بیرلشگن ملتلر تشکیلاتینینگ اوی-جای دستوری، خلقارا جاپان همکارلیکلر آژانسی (جیکا) حمایتی بیلن، هرات شهری زندهجان تومنیده ساغلیق نی سقلش بیر مرکزنینگ قیته قوریلیش ایشی یکونلنگنینی معلوم قیلگن.
بیرلشگن ملتلر تشکیلاتی اوشبو نهادینینگ بوگون (۲۰-اسد/۱۱-اگست، سهشنبه)، اکس صحیفهسیده یازیشیچه، اوشبو طبی مرکزنینگ قیته قوریلیشی بیلن کونده ۳۵۰ دن آرتیق کسلگه ساغلیقنی سقلش خذمتلریدن فایدهلنیش امکانیتی یرهتیلگن.
بیرلشگن ملتلر تشکیلاتی اوی-جای دستورینینگ ایتیشیچه، بو مرکزده کلینیک بناسی، سوو ییتکزیش سیستمی، ساغلیقنی سقلش قوریلمهسی و کوتیش سالونی قیته قوریلگن.
شونینگدیک بوندن آلدین، بیرلشگن ملتلر تشکیلاتیگه تیگیشلی و خلقارا نهادلردن قطاری افغانستان ده ساغلیقنی سقلش بولیمی ایشلاوچیلری تعلیمی، طبی مرکزلر جهازلنیشی، قوریلیشی و قیته قوریلیشیده حصه قوشگنلر.
اسلام امیرلیگی ساغلیقنی سقلش وزیرلیگی، بوندن آلدین برقرار طبی خذمتلر کورسهتیلیشی اوچون خلقارا نهادلر همکارلیگیگه نیازی بارلیگینی ایتگن ایدی.
