بلغاریانینگ مرکزی قسمیدهگی قورال-یراغ سقلنهدیگن حدود ده پارتلش بولیب، حادثه سببلی اوشبو مملکتنینگ اوق-دارو امبارلریدن بیریده یانغین چیققن.
ییتکرمهلرنینگ معلوماتیگه کوره، حادثه ۲۰ سنبله/۱۱ سپتمبر، جمعهدن شنبه گه اوتر کیچهسی، تسارِوا لیواده قیشلاغی یقینیده صادر بولگن. اوشبو یانغینده هیچ کیم جراحتلنمهگنی معلوم قیلینگن.
گابرو ولایتی حاکمی کریستینا سیدوروف، یانغین کارخانهنینگ امبارلر جایلشگن حدودیده باشلنگنینی و بیر امباردن باشقهسیگه ترقلهلگنینی ایتگن.
معلوماتلر گه کوره، یانغین قورال-یراغ سوداسی بیلن شغللنووچی «ایامسی او» کمپنیهسیگه تیگیشلی حدود ده صادر بولگن. کمپنیه وکیلی ایسه اوتگن آی اونینگ باشقه آست قوریلمهسیده هم پارتلش یوز بیرگنینی بیلدیرگن.
