فاریاب محلی مسوول‌لری نینگ ایتیش‌لریچه، اوشبو ولایت نینگ دولت‌آباد تومنیده پارتلش ماده یوک‌لنگن هاموی تانک آرقه‌لی هجوم اویوشتیریلگن.
فاریاب حاکمی نقیب‌الله فایق نینگ ایتیشیچه، طالبان گروهی ۱۵ یوز کیلو پارتلش ماده‌نی بیر هاموی تانک که جایلشتیریب دولت‌آباد بازاری نینگ یقینیده پارتلتگن.
جناب فایق نینگ کوپه‌یتیریشیچه، بو پارتلشده یوزلرچه مسکونی اوی تخریب ایتیلیب و ملکی کیشی‌لرگه کوپینچه مالی زیان ییتیشگن.
فاریاب حاکمی‌گه کوره، اوشبو واقعه‌ده امنیتی کوچلردن ۲ ته‌سی هلاک و باشقه ۵ ته‌سی یره‌لنگن و شونینگدیک، ۵ طالب هلاک و باشقه ۶ تینچ اهالی یره‌لنگن.
اونینگ ایتیشیچه، تینچ اهالیدن بیرقطاری دیوارلر آستیگه قالگن و تینچ اهالی تلفاتی نینگ کوپه‌یشی ممکن.
دولت‌آباد تومنیدن کیم‌لیگی سیرقالیش‌نی ایسته‌گن محلی بیر منبع نینگ سلام‌وطندارگه ایتیشیچه، پارتلش ملی اردو قرارگاهی نینگ یقینیده صورت تاپگن و امنیتی کوچلرنینگ تلفاتی اعلان قیلینگن آمارلرگه قره‌گنده کوپ دیر.
دولت‌آباد، فاریاب ولایتی نینگ ناتینچ تومن‌لریدن بیری دیر و طالبان گروهی اوشبو تومنده کینگ شکلده فعالیت قیله‌دی.
