Asset 1SWN

صالح: قولگه آلینگن طالبان اعدام قیلینیشی کیره‌ک

Saleh-8-p1jbsrc9pxi2tb9al3qfova2i2jz1leeotbg0bphuc

جمهورلیک ریاست بیرینچی اورین‌باسری امرالله صالح نینگ ایتیشیچه، شهرلرده ترور میزانی یوقاری کیتگنی نینگ اصلی دلیلی بو دیر کیم، طالبان اسیرلری هر حالده کیچیریلیب و جزالنتیریلمه‌یشلرینی توشونه‌دی.

اونینگ ایتیشیچه، کتته شهرلرده ترور میزانی نینگ کمه‌یتیریش اوچون طالبان محبوس‌لریدن قطاری نینگ اعدام قیلینیشی کیره‌ک؛ اونگه کوره،‌ بو ایش باشقه‌لر اوچون عبرت بوله‌دی.

بوگون (دوشنبه ۲۹- جدی) جناب صالح کابل ده ایکی عیال قاضی نینگ ترور ایتیلگنی گه اشاره قیلیب فیسبوک صحیفه‌سیده یازیشیچه، ۸۰ کون جریانیده موضوعلرنی تفصیلات بیلن تیکشیرگن و بو بیللی بولگن کیم پولیس و ملی امنیت کوپ یوتوقلرگه قول تاپگن و قولگه آلینگن کیشیلر بلبل‌دیک جرم‌لرینی بوینیگه آلیشگن،‌ بیراق اولر بیر کون جزالنتیریلمه‌ی قوییب یوباریلیش‌لرینی کوتیب تورگن.

اوتگن کون کابل شهری نینگ ۱۰- ناحیه‌سیگه تیگیشلی تایمنی منطقه‌سی نینگ ۱۰- کوچه‌سیده ایکی عیال قاضی ناتانیش قورالیلر آرقه‌لی اولدیریلدی. جناب صالح گه کوره، اعدام موضوعی قانون حاکمیت عالی کینگش نینگ یغینیده بحث گه قوییله‌دی. اونینگ کوپه‌یتیریشیچه: «قولگه آلینگن ترورچی نینگ اعدام قیلینیشی کیره‌ک.»

طالبان سوزلاوچی‌لریدن بیری ذبیح‌الله مجاهد، امرالله صالح نینگ بو بیاناتی نی تینچلیک پروسه‌سیگه قرشی بوزمه‌کارلیک دیگن. اونینگ ایتیشیچه، محبوسلرنینگ خاص حقلری بار و سیاسی و اوروش محبوسلری نینگ هیچ کیم اعدام قیله آلمه‌یدی.

او، جنگریلری نینگ اعدام قیلینیشی نی نتیجه‌سی خصوصیده آگاه‌لنتیرگن.

شونینگدیک جناب صالح بوندن آلدین هم قضاییه قوه‌دن، قولگه آلینگن ترورچی‌لرنینگ آچیق شکلده محکمه قیلینیشی و محکمه جریانیده قربانیلر عایله‌لری نینگ شاهد بولیشی نی سوره‌گن ایدی.

باشقه بیر تاماندن جناب صالح نینگ ایتیشیچه، اوتگن کون کابل پولیسی طالبان مدرسه‌لریده تعلیمات کوریش اوچون پاکستان تامان کیته‌دیگن بیر نیچه یاشی قویی باله‌لر و ییگیت‌لرنی توخته‌تیب و اولرنینگ عایله‌سیگه تاپشیرگن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام