جمهورلیک ریاستی بیرینچی اورین باسری امرالله صالح نینگ ایتیشیچه، مالیه وزیرلیگی حجت‌سیز ترانسپورت واسطه‌لرنی رویخط‌دن اوتکزیش پروسه‌سینی قصداً ایاق آستی قیله‌دی. جناب صالح، باش‌قاره‌لاوچیلیک اداره‌سیدن بو خصوصده قولی بولگن کیشی‌لرنی قولگه آلیب و قانون گه تاپشیرگنیدن خرسندلیک بیلدیرگن.
جناب صالح بوگون (پنجشنبه، ۶- قوس) فیسبوک صحیفه‌سیده یازیشیچه، مالیه‌وزیرلیگی مسئول‌لریدن ینه بیر مرته قانون‌نی ایاق آستی قیلیشدن قول تارتیب، خلققه خذمت قیلیشی‌لرینی سوره‌یدی.
اونگه کوره، اگرده مالیه‌وزیرلیگی نینگ قطار مسئوللری اوشبو بویروغ‌نی عملگه آشیرمه‌گن حالده، اولرنینگ مملکت باش‌قاره‌لاوچیلیک اداره‌سیگه تانیشتیریش گه زولنه‌دی.
جناب صالح نینگ فیسبوک صحیفه‌سیده ترقهتگن اعلامیه‌سی گه کوره، شهری انضباط‌لر، ملی پولیس و ملی امنیت کوچ‌لری مصادره بولگن واسطه‌لرنی استفاده قیلیب و قوشمه گزمه انجام بیره‌دیلر.
جمهورلیک ریاستی بیرینچی اورین باسری گه کوره: «اوشبو ینگی اقدام ثابت پوسته‌لردن حمایه قیلیش اوچون صورت تاپگن. حاضرگچه یوزلرچه حجت‌سیز واسطه زوروان کیشی‌لردن آلیب، ملی پولیس و ملی امنیت کوچ‌لری نینگ اختیاریگه بیردیک.»
جناب صالح نینگ ایتیشیچه، واسطه‌سی مصادره بولیش نی ایسته‌مه‌یدیگن کیشی‌لر، حجت‌سیز واسطه‌لری بیلن تشقری‌گه چیقمه‌سین‌لر. جنایی جرم‌لر رقمی کمه‌یگنی نینگ یالغیز دلیلی مجرم بولگن کیشی‌لر هویت سیز قاله‌آلمه‌ی و تعقیب ایتیلیشی بولگن.
جناب صالح نینگ سوزی گه کوره: “مثال شکلده اوتگن کونی آقشمی آدم اوغیرلش قضیه‌سی یوز بیردی، مذکور قضیه پلیتی بولمه‌گن واسطه بیلن صورت تاپدی و پولیس کوچ‌لری هم تعقیب قیلیشده ناکام بولدی. بیز بو خصوصده جدی میز. حجتی بولمه‌گن واسطه‌لر مصادره بولگنی امنیتی نهادلر بودجه‌سی گه یاردم ایتگن”.
بوندن آلدین هم جناب صالح حجت‌سیز واسطه‌لر مصادر بولیش‌نی ایتگن ایدی. اونگه کوره، ییل‌لردیر حجت‌سیز واسطه‌لردن شکایت‌لر بولگن و واقعه یوزبیرگن حالده تعقیب ایتیش قیین بولگن.
جناب صالح نینگ ایتیشیچه، مرکزی بانک ایشلاوچی‌لری اولدیریلگنی خصوصده رسانه‌لر و یما سیاووش نینگ عایله‌سی امنیتی ویدیولرنی کوریش نی ایسته‌یدیلر و مذکور ویدیو ملی امنیت قولیده بولگن و کیله‌جگ کون‌لرده قضیه آلغه باریشی اوچون مذکور ویدیولرنی نشر قیله‌دیلر.
ایتیش لازم که پایتخت نینگ امنیتی وضعیتی یمان لشگنی و خلق نینگ تنقیدی باعث، جمهور رئیس محمد اشرف غنی کابل نینگ امنیتی نی تأمین لش مسوولیتی نی موقت شکلده بیرینچی اورین باسری امرالله صالح گه تاپشیرگن.
