نماینده‌لر کینگشی اعضالری، امرالله صالح نینگ اوشبو کینگش اعضالرینی فساد گه عیب‌لگنی‌گه قرشی واکنش کورستیب و جناب صالح نینگ ادعالرینی مقننه قوه برابریده بویوک حقارت دیگن.
نماینده‌لر کینگشی اعضالری نینگ ایتیش‌لریچه، جناب صالح ملی منفعت‌گه قرشی صحبت قیلگن و انه‌شو باعث، محکمه گه تانیتیلیشی کیره‌ک.
نماینده‌لر کینگشی اعضالریگه کوره، جناب صالح نینگ سوزلری، حکومت بیلن اوشبو کینگش آره‌سیده جنجل ایجاد قیلینیشی‌گه سبب بوله‌دی.
اوشبو کینگش اعضالریدن بیری غلام حسین ناصری، جناب صالح نینگ ادعاسی‌گه قرشی واکنش کورستیب ایتیشیچه، کیم نینگ فاسد بولگنی‌نی بیللی قیلینیشی لازم و بیللی قیلینمه‌گن صورتده، جناب صالح نینگ نماینده‌لر کینگشی‌دن عذر سوره‌شی کیره‌ک.
شونینگدیک، نماینده‌لر کینگشی اعضالریدن باشقه بیری خالد اسد نینگ ایتیشیچه، جناب صالح مسوول‌سیز شکلده عمل قیلگن، نماینده‌لر کینگشی ده فساد یوق، بلکیم اصلی فساد حکومت ایچیده دیر.
عین‌حالده، نماینده‌لر کینگشی باشلیغی میر رحمان رحمانی نینگ ایتیشیچه، جناب صالح قانونگه قرشی حرکت قیلیب، نماینده‌لر کینگشی‌نی فساد گه عیب‌لگن و جناب صالح نینگ فساد خصوصیده بولگن حجت‌لرینی ارایه قیلیشی کیره‌ک.
ییغین اداغیده نماینده‌لر کینگشی اعضالری، نامزد وزیرلرنینگ برنامه‌لرینی ارایه قیلیش جریانی‌نی آرتده قالدیرگنلر.
جمهور رئیس بیرینچی اورین باسری امرالله صالح، اوتگن “دوشنبه” کونی ژنوا ییغینیده صحبت قیلیب نماینده‌لر کینگشی‌نی فساد گه عیب‌لگن ایدی.
