افغانستان تنیق‌لیگی نینگ کوزه‌تووچی اداره مسئوللری نینگ ایتیش‌لریچه، جمهورلیک ریاستیده‌گی حلقه‌لر، فساد گه قرشی کوره‌ش کمیسیونی نی سیاسی توزتیب و اوز فایده‌لری اوچون استفاده قیله‌دیلر.
افغانستان تنیق‌لیگی نینگ کوزه‌تووچی اداره باشلیغی اکرام افضلی اوتگن کون (چهار شنبه ۲۳ – میزان) خبری بیر ییغین اوتکزیب، حکومت فساد گه قرشی کورش گه ناکام بولیب و فساد گه قرشی کوره‌ش یالغیز شعار بولیب قالگنی نی ایتگن.
افضلی گه کوره، فساد گه قرشی کوره‌ش اداره‌سی مستقل بولمه‌گن و جمهورلیک ریاستیده بولگن ایریم حلقه‌لر اوشبو اداره نی سیاسی توزه‌تیش بیلن اوز فایده‌لریگه استعمال قیله‌دیلر.
افغانستان تنیق‌لیگی نینگ کوزه‌تووچی اداره مسئولریگه کوره، فساد گه قرشی کوره‌ش کمیسیون اعضاسی سلیقوی شکلده تنلنگن و جمهورلیک ریاستی فساد گه قرشی کوره‌ش پروسه‌سینی سیاسی قیلیش بیلن فساد گه قرشی کوره‌ش نهادلرینی نظارت آستیده آلیش نیتیده دیر.
افغانستان تنیق‌لیگی نینگ کوزه‌تووچی اداره اجرائیه باشلیغی، حکومت، فساد گه قرشی کوره‌ش نهادلر نینگ سیاسی قیلمه‌سلیگی نی سوره‌گن.
لیکن جمهورلیک ریاستی اوشبو ادعالر خصوصیده فکر بیلدیرمه‌گن.
