افغانستان ده اوروشلر جریانیدن پارتلمهی قالگن ماینلر نینگ پارتلشی عاقبتیده بالهلر نینگ قربان بولیشی دوام ایتر ایکن، بغلان ده بیر باله اولیب و کنر ده اوچ باله شامل ییتی کیشی یرهلنگن.
شوندهی بیرحالده، اوشبو قربانیلر عایلهلری اسلام امیرلیگی سرپرست حکومتیدن، یشاوچیلر اوچون معلومات بیریلیش برنامهلری نینگ کوپراق یولگه قوییلیشی نی ایستهیدیلر.
کنر یشاوچیسی بولمیش ضیا نینگ ایتیشیچه، اوروشلر جریانیدن پارتلمهی قالگن ماینلر نینگ پارتلشی عاقبتیده، ایکی کون آلدین عایله اعضاسیدن ییتی کیشی یرهلنگن. اونگه کوره، اوتگن اوروشلردن پارتلمهی قالگن ماینلر پارتلشی اوچون قورقوو بیلن حیات کیچیرماقدهلر.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «حیات کیچیرهدیگنیمیز ساحهده تاغ کوپ و اوروشلر جریانیدن پارتلمهی قالگن ماینلر بار. بو ساحه نینگ ماینلردن تازهلنیشی نی ایستهیمن.»
ایکی کون آلدین اوروشلر جریانیدن پارتلمهی قالگن ماینلر نینگ پارتلشی عاقبتیده ایناغهسی هلاک بولگن بغلان یشاوچیسی صفتالله، اسلام امیرلیگی سرپرست حکومتیدن، بالهلر اوچون کوپراق معلومات بیریلیش کمپاینلری نینگ یولگه قوییلیشی نی ایستهیدی.
اونینگ کوپهیتیریشیچه: «ایکی کون آلدین ایناغهم بیر اوق نی تاپیب و اویی گه کیلتیرگن ایدی. بو اوق پارتلب و هلاک بولدی. حکومتدن بالهلر گه معلومات بیریلیش اوچون بیر قطار برنامهلر نینگ قولگه آلینیشی نی ایستهیمیز.»
باشقه بیر تاماندن، حادثهلر گه ییتیشیش بوییچه دولت وزیرلیگی مسئوللری نینگ ایتیشلریچه، جاری میلادی ییل باشیدن حاضرگچه، مملکتده اوروشلر جریانیدن پارتلمهی قالگن ماینلر پارتلشی عاقبتیده ۲۸۶ واقعه یوز بیریب و نتیجهده ۳۴۲ باله اولیب و یرهلنگن.
حادثهلرنی باشقریش بوییچه دولت وزیرلیگی نینگ ماین تازهلش هماهنگلیگی و انسجام باشلیغی نورالدین رستمخیل نینگ ایتیشیچه، اوشبو وزیرلیک جاری ییل جریانیده اوتگن اوروشلردن پارتلمهی قالگن ماینلر نینگ پارتلشی خوفی خصوصیده بیر میلیون ۵۰۰ دن آرتیق یشاوچی گه معلومات بیرگن.
اونینگ کوپهیتیریشیچه: «جاری میلادی ییل باشلنگنیدن حاضرگچه مملکتده اوروشلر جریانیدن پارتلمهی قالگن ماینلر پارتلشی عاقبتیده ۲۸۶ واقعه یوز بیریب و ۳۴۲ باله شامل ۵۲۳ کیشی اولیب و یرهلنگن. بالهلر قشاقلیک سبب تیمیر ساتیب آلیش گه کوپراق یوز کیلتیریب و اولیملری گه سبب بولهدی. پارتلمهی قالگن ماینلردن کوپراق میدانوردک، غزنی، زابل، هلمند، قندهار، لوگر، پکتیا، پکتیکا، خوست و شرقی ولایتلر تاثیرلنگن و شونینگدیک افغانستان نینگ ۴۰۰ تومنیدن ۱۱۹ تومنیده اوروشلر جریانیدن پارتلمهی قالگن ماینلر یوق و باشقه ۲۸۱ تومنیده ایسه پارتلمهی قالگن مادهلر موجود دیر.»
بیزلرنینگ «ایکس» ترماغی ده هم تعقیب قیلینگ!
عین حالده، حادثهلر گه ییتیشیش بوییچه دولت وزیرلیگی نینگ ماینلر نی تازهلش تخنیکی ییریک مصلحتچیسی و بیرلرمانی ایمل صافی نینگ ایتیشیچه، شونینگدیک عایلهلر هم ماینلر پارتلشی خصوصیده بالهلری گه معلومات بیریشلری کیرهک.
اونینگ کوپهیتیریشیچه: «معلومات بیریش برنامهلرده بالهلر گه اویدن تشقیده نابیللی نرسهلر نی کورگنلری پیتده، قول اورمهسینلر کبی پیغاملریمیز بار و اوندن کیین عایلهلر یا-ده قیشلاقلردهگی کیکسهلر گه آگاهیلیک بیرهمیز.»
حادثهلر گه ییتیشیش بوییچه دولت وزیرلیگی مسئوللری نینگ ایتیشلریچه، بودجه کملیگی، ماین تازهلش برنامهلری نی سیکینلشتیرهدی؛ بیراق ینه هم کیلهسی ییل اوروشلر جریانیدن پارتلمهی قالگن ۶۰-۸۰ کیلومترمربع ساحه نینگ تازهلنیشی اوچون سعی و حرکت بولهدی. ایکی کون آلدین بیرلشگن ملتلر تشکیلاتی نینگ ماین تازهلش ادارهسی نینگ اعلام قیلیشیچه، افغانستان ده اوروشلر جریانیدن پارتلمهی قالگن ماینلر پارتلشی عاقبتیده قربان بولگنلردن کوپینچهسی نی بالهلر تشکیل بیرهدی.