افغانستان ییل‌لردن بیری قان، زوره‌وانلیک و آتیشمه‌لر گه شاهد دیر که اوشبو وضعیت نینگ دوامی اقتصادی و سیاسی زیان‌لر یانیده، مذکور مملکت یشاوچیلری نینگ روح و روان‌لری گه هم تاثیر قوییگن دیر.
بوگون ۱۰-اکتبر/ ۱۸-میزان «خلق‌ارا روحی سلامتلیک کونی» گه ماس دیر. مذکور کونده ساغلیک نی سقلش وزیرلیگی مسئوللری نینگ ایتیش‌لریچه، افغانستان ده باله‌لردن کمیده ۴۰ فایزی رفتار قیین‌چیلیگی و ۱۶ فایزی ایسه توجه کم‌لیگی قیینچیلیکلری بیلن روپه‌ره‌لر.
بیزلرنینگ توییترده هم تعقیب قیلینگ!
ساغلیک نی سقلش وزیرلیگی نینگ پلان و پالیسی اورین‌باسری محمدحسین غیاثی، خلق‌ارا روحی سلامتلیک کونی مناسبتی بیلن یولگه قوییلگن بیر ییغیلیش‌ده تاکید قیلگن که، افغانستان ده هر ایکی کیشی‌دن بیری روانی آغیر باسیم‌لردن رنج ایلته‌دی.
ساغلیک نی سقلش وزیرلیگی مسئوللری نینگ ایتیش‌لریچه، روانی بولیمی‌ده ساغلیق بودجه تخصیصی‌ده آزراق توجه صورت تاپگن و اوشبو بولیم کوپراق سرمایه یاتلقیزیلیش گه نیازی بار.
خلق‌ارا روحی سلامتلیک کونی‌‌دن نشان‌لش برنامه‌سیده، ساغلیک نی سقلش وزیرلیگی نینگ رسانه‌لر بیلن شریک قیلگن معلوماتی گه کوره، اهالی‌دن قریب ۲۰ فایزی روانی کسل‌لیککه چیلینگن دیر.
شونده‌ی بیرحالده، افغانستان ده دنیا ساغلیک تشکیلاتی مسئوللری روانی کسل‌لیک‌لر قیینچیلیکلری نینگ حل قیلینیشی بولیمی‌ده اوشبو تشکیلات نینگ کوپینچه سعی و حرکتی‌دن خبر بیرگنلر.
عین حالده، بوگون بیرلشگن ملت‌لر تشکیلاتی نینگ باله‌لردن حفاظت قیلووچی تشکیلاتی بیر گزارش ترقه‌تیب اعلام قیلگن که، افغانستان ده باله‌لر روحی و روانی باسیم‌لر آستیده قرار تاپگنلر؛ چونکه اولر مذکور مملکت نینگ قیینچیلیکلری نی تحمل قیله‌دیلر.
بیزلرنینگ فیسبوک صحیفه‌میزگه باش اورینگ!
مذکور تشکیلات ایتگن که، افغانستان روانی سلامتلیک فاجعه‌سیده قرار تاپگن؛ چونکه اقتصادی قیین‌چیلیک و اوروش‌لر باله‌لر نینگ روحی سلامت‌لیگی گه تاثیر قیلگن دیر.
باله‌لردن حفاظت قیلووچی تشکیلاتی نینگ آگاه‌لنتیریشیچه، تورت باله و بویوک‌لردن بیرته‌سی عاجل درمان گه نیازی بار. اوشبو تشکیلات گه کوره، اولردن کوپ قطاری نینگ توزلمه‌ی و قیین‌چیلیک‌لر بیلن روپه‌ره بولیش‌لری ممکن.
