۳۸ یاشیده بولگن صدیقه روحی کسل‌لیککه چلینگنلردن بیری نینگ آنه‌سی دیر. او، ۱۸ یاشیده بولگن قیزینی درمانلش اوچون هرات ولایتی کسلخانهسی نینگ روحی کسللیک بولیمی‌گه کیلتیرگن. صدیقه نینگ ایتیشیچه، مملکت ده یوز بیرگن سونگی تحولات و کم بغل‌لیک باله‌سی نینگ کسل‌لیگی‌گه سبب بولگن.

صدیقه نینگ ایتیشیچه، « درمان‎‌لنیشی اوچون داکتر صاحب‌لر سعی و حرکت قیله‌دیلر، بیزلرگه یاردم بیره‌دیلر و انشالله درمانلنه‌دی. انه‌شوو قیینچیلیکلر و کم اویقیلیک روحی کسل‌لیککه اوزگرگن، افغانستانده قیین‌چیلیکلر کوپ دیر؛ هر مرته بیر قسم نظام کیله‌دی و تشویش‌لر کوپ دیر.»

شونینگدیک، زهره قیزینی هرات ولایتی کسلخانه‌سیگه کیلتیرگن. اونینگ ایتیشیچه، قیزی حاضرده بستر قیلینگن. «قیزیم انه‌شوو قسم یاتگن، عصابی نی قولدن بیرگن، قول‌‍لری حرکتدن قوله‌دی و تیلی هم آغزی دن چیقیب قاله‌دی.»

عین‌حالده، هرات حوزه‌یی کسلخانه‌سی نینگ روحی سلامت بولیمی مسوولی وحید نورزاد نینگ ایتیشیچه، قید ایتیلگن آمارلرگه کوره، اوشبو ولایتده روحی کسللیککه چلینگنلرنینگ رقمی ۵% کوپه‌یگن.

اونینگ ایتیشیچه، عیال‌لر و ایرککلر روحی کسل‌لیککه چلینگنلر جمله‌سیدن دیر، لیکن عیال‌لرنی کوپراق زیان کوریشی ممکن. اونینگ کوپه‌یتیریشیچه، کسلخانه گه مراجعت قیله‌دیگنلردن ۷۵% نی عیاللر تشکیل بیره‌دی.

عین‌حالده، هراتده روحی سلامت داکترلریدن بیری محمدشفیق عمیر نینگ ایتیشیچه، مملکت ده یوز بیرگن تحولات، کم بغل‌لیک، ایش‌سیزلیک و عایله‌وی قیین‌چیلیکلر باعث، هرات یشاوچی‌لری روحی کسل‌لیککه چلینیب و کسلخانه‌گه مراجعت قیله‌دیلر.

بوگون ۱۰ اکتبر « خلق ارا روحی سلامت ایامی» بیلن برابر دیر. اوشبو تاریخ دن هر ییل دنیا اینیقسه افغانستانده نشانلنه‌ریدی، لیکن جاری ییل افغانستانده اسلامی امارت حاکم بولگنی باعث، بو ایام دن نشانلنمه‌گن.

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام