بوگون ۱۵ اکتوبر- ۲۳ میزان، «خلق‌ارا آق عصا کونی» بیلن ماس دیر؛ اوشبو کوندن هر ییلی قطار مملکت‌لر اینیقسه افغانستان ده، مخصوص احتفال‌لر آرقه‌لی نشانلنه‌دی.
هرات مسئوللری و روشن دلان مکتبی اوقووچیلری، مذکور ولایت نینگ تعلیم و تربیه ریاستی سالونیده قول صناعتی کورگزمه‌سینی یولگه قویب اوشبو کوندن نشانله‌دیلر.
بیزلرنینگ فیسبوک صحیفه‌میزگه باش اورینگ!
مذکور کورگزمه ده قول صناعتی نمایش گه قویلگن هرات مسئوللری و کوزدن عاجز صدیقه سادات نینگ ایتیشیچه، اوشبو کورگزمه «بیز هم کوچلی میز» شعاری بیلن هرات تعلیم و تربیه فاکولته‌سی طلبه‌لری نینگ حضوری بیلن یولگه قویلگن.
بانو سادات گه کوره، کوزدن عاجز کیشی‌لر ایریم قیینچیلیکلر بیلن روپه‌ره بولسه‌لرده، بیراق قوللب_قوتلنگن حالده، تحصیل‌لری گه دوام بیریب و جامعه ترقیاتی اوچون حصه قوشیش‌لری ممکن.
مذکور کورگزمه ده اشتراک ایتگن‌لر، کوزدن عاجز کیشی‌لر نینگ توانایی‌لیکلریدن آلقیشلب، مسئوللردن اولر نینگ هنری ایشلری ترقیاتی اوچون دقت قیلیش‌لرینی طلب قیله‌دیلر.
بیزلرنینگ توییترده هم تعقیب قیلینگ!
عین‌حالده، هرات معلومات و مدنیت باشلیغی نعیم‌الحق حقانی، روشن دلان مکتبی کوزدن عاجزلر نینگ قول صناعتیدن حمایت قیلیش گه قوشیمچه ایتیشیچه، مذکور ریاست نادولتی تشکیلات‌لر یاردمی بیلن، اوشبو ولایتده کوزدن عاجز کیشی‌لر گه اجتماعی قولی‌لیک یره‌تیش مقصدیده سعی و حرکت قیله‌دی.
مسئوللر گه کوره، اوشبو کورگزمه ایرته هرات بیلیم یورتیده اوتکزیلیشی کوتیله‌دی.
