بوگون هرات‌لیک بیش عیال اوشبو ولایتده «شمامه قیزلری» عنوانیده ایکی کون‌لیک هنری_فرهنگی کورگزمه یولگه قویدیلر. اولر نینگ ایتیشلریچه، کورگزمه یولگه قوییلیشیدن مقصد، یوزلرینی زوردن یاپیش گه دایر افغان خاتین قیزلری دن حمایت ایتیش دیر.
اوشبو کورگزمه ده اثری نمایش گه قوییلگن فرشته نوری نینگ ایتیشیچه، اوز اثرینی کورگزمه گه قوییش بیلن، جامعه عیال‌سیز ترقی ایتمسلیگینی کورسه‌تیش دیر.
بیزلرنینگ فیسبوک صحیفه‌میزگه باش اورینگ!
فرشته نینگ ایتیشیچه: «حاضرگی دولت عیاللر نینگ یوزلری کوریلمه‌ی و عیاللر اصلا اوی دن چیقمسلیکلرینی ایسته‌یدیلر. شونی اوچون یریم یوزی کوریلمه‌یدیگن طرح نی چیزدیم. خاتین قیزلر نینگ ایشلشی گه اجازه بیریلمه‌گن جامعه، اصلا ترقی قیلمه‌یدی.»
شونینگدیک، مذکور کورگزمه تشکیلاتچیلری اسلامی امارت مسئوللری دن، تعلیم حقینی افغان قیزلریدن آلمه‌ی و اولر گه مکتب باریش اجازه‌سی بیریلیشینی سوره‌یدیلر.
اون بیرینچی صنف اوقووچیسی و اوشبو کورگزمه ده نقاش‌لردن بولمیش عزیزه حیدری نینگ ایتیشیچه: «اون بیرینچی صنف اوقووچیسی من و مکتبیم بیتیشی گه یالغیز بیر ییل قالگن ایدی. مکتب تعطیل بولیشی دن امیدسیز بولگنمن، مکتب آچیلیب و ۱۲ صنف‌نی هم اوقیسم ایدی یخشی بولر ایدی.»
شمامه قیزلری کورگزمه مسئولی مرتضی خاوری نینگ ایتیشیچه، خواهش_اراده‌لرینی نقاش‌لیک آرقه‌لی مسئوللر و جهانی‌لر بیلن شریک قیلیش اوچون، اوشبو کورگزمه ده هرات قیزلری نینگ هنری_فرهنگی ۲۵ اثرینی نمایش گه قویگنلر.
بیزلرنینگ توییترده هم تعقیب قیلینگ!
خاوری هرات محلی مسئوللری دن، هنری_فرهنگی اینیقسه مذکور ولایت نقاش‌لرینی قوللب_قوتلشینی طلب قیله‌دی.
نیچه کون آلدین اسلامی امارت مسئوللری، هرات ده بیر مکتوب آرقه‌لی ریکلام تابلو‌لریده جاندارلر نینگ عکس‌لری چاپ بولمسلیگینی ممنوع قیلگندن سونگ، اوشبو کورگزمه یولگه قوییلگن.
