بوگون کابل ده بیرینچی مرته پولیو یا-ده بالهلر فلجلیگی نمونهلرینی انیقلش بیر لابراتوار آچیلگن. ساغلیقنی سقلش وزیرلیگی مسئوللری، مذکور لابراتوار نینگ ایجاد بولگنیدن مقصد افغانستان ده پولیو نمونهلری نی انیقلش عنوان قیلگنلر.
اوشبو لابراتوار نینگ آچیلیشی جریانیده ساغلیقنی سقلش وزیرلیگی سرپرستی قلندر عباد نینگ ایتیشیچه، اولر جاری میلادی ییل جریانیده افغانستان ده پولیو کسللیگی نینگ اورتهدن کیتگزیلیشی خصوصیده سعی و حرکت قیلهدیلر.
بیزلرنینگ فیسبوک صحیفهمیزگه باش اورینگ!
ساغلیقنی سقلش وزیرلیگی سرپرستی نینگ کوپهیتیریشیچه: «بوندن آلدین پولیو کسللیگی نینگ نمونهلری، انیقلنیش اوچون مملکتدن تشقی گه کیتهر ایدی و کیلهسی اوچ یا-ده آلتی آیگچه بو لابراتوار اوزی نمونهلر نینگ انیقلش گه قادر بولیشی ممکن. جاری میلادی ییلده افغانستان ده پولیو نینگ اورتهدن کیتیشی اوچون سعی و حرکت قیلماقدهمیز.»
شوندهی بیرحالده، اوشبو برنامهده پولیو نی انیقلش لابراتواری مسئولری نینگ ایتیشلریچه، ۸۰۰ مینگ دالر خرهجت کوتارگن مذکور لابراتوار افغانستان ده خلقارا ساغلیقنی سقلش تشکیلاتی همکارلیگی بیلن قوریلیب و هفتهده ۵۰۰ پولیو نمونهسی نینگ انیقلش امکانیتی گه ایگه دیر.
پولیو نی انیقلش لابراتواری باشلیغی محمدناصر حنفی نینگ ایتیشیچه: «اوشبو لابراتوار ۸۰۰ مینگ دالر خرهجت بیلن افغانستان ده خلقارا ساغلیقنی سقلش تشکیلاتی همکارلیگیده قوریلیب و اصلی مقصدیمیز افغانستان ده پولیو نمونهلری نینگ کیلهسی آلتی آیگچه انیقلش دیر.»
عین حالده، مذکور برنامه گه شرکت قیلگن اورتهشرق پولیو بولیمی عملیاتی لابراتواری مسئوللری نینگ ایتیشلریچه، افغانستان و پاکستان ده پولیو کسللیگی نینگ اورتهدن کیتگزیلیشی اوچون، ایکی مملکت نینگ قوشمه شکلده ایشلشی کیرهک.
اورتهشرق پولیو بولیمی عملیاتی لابراتواری باشلیغی حمید جعفری، افغانستان ده پولیو نی انیقلش لابراتواری ظرفیتی آشیشی اوچون همکارلیکلری دوامی خصوصیده ایشانچ بیرگن.
بیزلرنینگ «ایکس» ترماغی ده هم تعقیب قیلینگ!
جناب جعفری نینگ ایتیشیچه: «پولیو گه قرشی کورهش اوچون افغانستان و پاکستان قوشمی شکلده ایشلشی کیرهک و هر مملکت پولیو نی اورتهدن کیتگزیش اوچون یالغیز شکلده موفق بولمهیدی و افغانستان ده ساغلیق بولیمی اینیقسه پولیو گه قرشی کورهش اوچون همکارلیککه دوام بیرهمیز.»
ایتش کیرهک که، اوتگن میلادی ییلده ننگرهار ولایتیده بالهلر فلجلیگی ۶ واقعه ثبت بولگن. افغانستان و پاکستان دنیا بویلب بالهلر فلجی کسللیگی بوتونلی یوق بولمهگن مملکتلردن سنلهدی.