افغانستان ده باله‌لر فلجی تورت مثبت واقعه‌سی قید ایتیلیشی و اوشبو کسل‌لیک کوپه‌یشی گه عاید خواطرلردن کیین، بوگون (یکشنبه، ۲۱-جوزا)، خلق‌ارا ساغلیق‌نی سقلش تشکیلاتی، باله‌لر فلجی کسل‌لیگینی انیقلش اوچون محیطی تیکشیروو سیستمی نی کوپه‌یتیرگن.
شونده‌ی بیرحالده، مذکور تشکیلات افغانستان بویلب چیقیندی سوولر نمونه‌لرینی توپله‌ش و پولیو ویروسی‌نی انیقلش مقصد ۳۷ مرکز نینگ ایجاد ایتگنی نی معلوم قیلگن.
بیزلرنینگ توییترده هم تعقیب قیلینگ!
عین حالده، ساغلیق ایش بیلرمان‌لری باله‌لر فلجی ترقه‌لیشی نینگ آلدینی آلیش اوچون دنیا ساغلیق تشکیلاتی آرقه‌لی ینگی سایت‌لر ایجاد بولیشی نی فایده‌لی عنوان قیلیب و ایتیش‌لریچه، مذکور تشکیلات اوشبو کسل‌لیک نینگ اورته‌دن کیتیشی اوچون پولیو گه قرشی ایملنیشی نینگ کونده‌لیک شکلده توزه‌تیشی کیره‌ک.
ساغلیق نی سقلش وزیرلیگی نینگ سابق معینی فدامحمد پیکان نینگ سلام‌وطندار گه ایتیشیچه: «آنه‌لر هر وقت باله‌لری نی اوشبو مرکزلر گه آلیب باره آله‌میلر یا-ده خیر، بیللی ایمس و بو اساسی قیین‌چیلیک دیر. قیین‌چیلیک نی دایمی شکلده حل قیلیش کیره‌ک. اوزاق منطقه‌لرده معلومات سحطی نی یوقاری کیتکزیب و اوشبو کسل‌لیک واکسینی نی کونده‌لیک شکلده توزته‌یلیک.»
شونده‌ی بیرحالده، بیرلشگن ملت‌لر تشکیلاتی نینگ باله‌لردن حمایت قیلووچی صندیغی یا-ده (یونیسف) نینگ ایتیشیچه، هوا نینگ ایسیشی بیلن باله‌لر فلجی کسل‌لیگی نینگ کوپه‌یشی ممکن.
بیزلرنینگ فیسبوک صحیفه‌میزگه باش اورینگ!
یونیسف دفتری‌ده پولیو برنامه‌لری نینگ رابطه‌لر مسئولی کمال‌شاه سید نینگ ایتیشیچه: «پولیو کسل‌لیگی افغانستان نینگ باشقه منطقه‌لری گه انتقال تاپیش خصوصیده خواطرلر بار. چونکه بو ویروس شرق حوزه‌سیده موجود دیر. مذکور کسل‌لیک نینگ ترقه‌لیب باله‌لردن کوپ قطاری نینگ چلینیشی توغریسیده خواطر بار. باله‌لر فلجی برنامه‌سی اوشبو کسل‌لیک مملکت نینگ باشقه منطقه‌لری گه ترقه‌لمه‌یشی خصوصیده تلاش قیله‌دی.»
عین حالده، جاری میلادی ییل نینگ باشی‌دن حاضرگچه، ننگرهار نینگ بتی‌کوت، کوت و نازیان تومن‌لریده باله‌لر فلجی‌دن تورت ایجابی مورد ثبت بولگن که، اوشبو باله‌لردن بیرته‌سی جان بیرگن دیر.
