بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، جاری ییل‌ده ننگرهار ولایتیده باله‌لر فلجی خصوصیده اوچ ایجابی واقعه ثبت بولگنی‌دن خواطر بیلدیرگن.
یونیسف نینگ ایتیشیچه، اطراف-محیط‌ده ویروس نینگ ترقه‌لیشی و یشاوچیلر نینگ پاکستان گه کیتیب-کیلیشی، مذکور حوزه‌ده‌گی باله‌لر آره‌سیده اوشبو کسل‌لیک کوپه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
یونیسف دفتری‌ده پولیو برنامه‌لری نینگ رابطه‌لر مسئولی کمال‌شاه سید نینگ سلام‌وطندار گه ایتیشیچه: «جاری ییل‌ده افغانستان ده اوچ فلج کسل‌لیگی ثبت بولگن. اوشبو ویروس نینگ کنترول بولمه‌گنی تقدیرده، مملکت نینگ باشقه ولایت‌لری گه هم یوقیشی ممکن.»
شونینگدیک یونیسف نینگ کوپه‌یتیرشیچه، باله‌لر فلج کسل‌لیگی نینگ کوپه‌یشی‌دن توسیق بولینیشی اوچون، کیله‌سی میلادی آی‌ده افغانستان نینگ شرقی ولایت‌لریده پولیو گه قرشی ایملش کمپاینی باشلنیب و ۵ یاش نی تولدیرمه‌گن ۱.۱ میلیون باله نینگ پولیو گه قرشی ایملنیشی ممکن.
بیزلرنینگ توییترده هم تعقیب قیلینگ!
شونده‌ی بیرحالده، یونیسف دفتری‌ده پولیو برنامه‌لری نینگ رابطه‌لر مسئولی گه کوره، مملکت بویلب ۵ یاش نی تولدیرمه‌گن ۱۰ میلیون باله نینگ پولیو گه قرشی ایملنیشی خصوصیده قرار آلینگن.
