ساغلیق‌نی سقلش وزیرلیگی مسئوللری نینگ ایتیشلریچه، ارزگان ولایتی گیزاب تومنی ده باله‌لر، کوچلی قار یاغیشی و قتناو یوللر یاپیلیشی باعث، پولیو گه قرشی واکسین بولمه‌گنلر.
ساغلیق‌نی سقلش وزیرلیگی نینگ پولیو بولیمی باشلیغی نیک‌ولی‌شاه مومن نینگ سلام‌وطندار گه ایتیشیچه، گیزاب تومنی و شونینگدیک قطار ولایت‌لر نینگ اوزاق تومن‌لریده باله‌لر، کوچلی قار یاغیشی و قتناو یوللر یاپیلیشی باعث، اوشبو دور ده واکسین بولمه‌گنلر.
بیزلرنینگ فیسبوک صحیفه‌میزگه باش اورینگ!
عین‌حالده، ارزگان ساغلیق‌نی سقلش ریاستی پولیو بولیمی مسئولی بخت‌محمد گه کوره: «پولیو واکسینی گیزاب تومنی دن باشقه ارزگان ولایتی برچه تومن‌لریده، اوتمیش کبی تطبیق ایتیله‌دی و اوشبو دور ده ۲۴۵ مینگ باله واکسین بولیشی کوتیله‌دی.»
باشقه تاماندن، ارزگان یشاوچیلریدن قطاری نینگ ایتیشلریچه، مذکور ولایت ده عیال ایملاوچیلری یوق‌لیگی، پولیو گه قرشی ایملش برابریده کتته توسیق‌لردن سنله‌دی.
اولر اسلام امیرلیگی دن، موجود قیینچیلیک حلی اوچون دقت قیلیشینی سوره‌یدیلر. ارزگان یشاوچیلریدن اسدالله گه کوره: «ایملاوچیلر آره‌سیده عیاللر شامل بولسه یخشی بوله‌دی و بیز امکان قدر یاردم بیره‌میز.»
باله‌لر فلجی کسللیگی گه قرشی ایملش کمپاینی اوشبو هفته دوشنبه کونی، ۳ دلو، مملکت نینگ ۱۶ ولایتیده باشله‌نیب و بوگون یکونلندی. ساغلیق‌نی سقلش وزیرلیگی سوزلاوچیسی شرافت زمان امرخیل نینگ ایتیشیچه، اوشبو دور ده بیش یاشنی تولدیرمه‌گن بیش میلیون باله واکسین بولگنلر.
بیزلرنینگ توییترده هم تعقیب قیلینگ!
ساغلیق‌نی سقلش وزیرلیگی نینگ معلوماتی اساسیده، اوتگن ییل ده پولیو گه قرشی توقیز فرعی کمپاین یولگه قوییش بیلن، باله‌لر آره‌سیده اوشبو کسل‌لیک رقمینی کمه‌یتیریش گه قادر بولگن و ۲۰۲۲_ییل ده پکتیکا و کنر ولایت‌لریده، یالغیز پولیو ایکی موردی ثبت ایتیلگن.
ایتیش کیره‌ک که، افغانستان و پاکستان، باله‌لر فلجی کسللیگی حاضرگچه بوتونلی یوق بولمه‌گن مملکت‌لردن سنله‌دی.
