اسلامی امارت ساغلیق‌نی سقلش وزیرلیگی، مملکت بویلب پولیو گه قرشی ایملش کمپاین نینگ ۸_دوری باشلنگنیدن خبر بیریب ایتیشیچه، اوشبو کمپاین ده ۵ یاش‌نی تولدیرمه‌گن ۹.۹ میلیون باله واکسین بولیشی ممکن.
ساغلیق‌نی سقلش وزیرلیگی بوگون (دوشنبه، ۲۸ سنبله) بیر بیانیه ترقه‌تیب ایتیشیچه، اوشبو کمپاین برچه ولایت‌لرده خلق‌ارا نهادلر نینگ یاردمی بیلن باشلنگن و تورت کونگچه دوام تاپه‌دی.
بیزلرنینگ فیسبوک صحیفه‌میزگه باش اورینگ!
بیانیه ده کیلیشیچه: «میلادی اوشبو ییل ده افغانستان بویلب پولیوگه قرشی ایملش کمپاین نینگ ۸_دوری دیر که بوندن آلدین، اولکه بویلب آلتی دور کمپاین و فرعی بیر دور کمپاین مؤفقیت‌لیک بیلن عملی بولیب و یخشی نتیجه بیردی.»
مملکت ساغلیق‌نی سقلش وزیرلیگی نینگ ایتیشیچه، حاضر افغانستان باشقه وقت‌لر گه نسبتن پولیو کسللیگینی یوق ایتیش گه یقینله‌گن.
مذکور وزیرلیک نینگ کوپه‌یتیریشیچه، میلادی اوشبو ییل باشله‌نیشیدن حاضرگه قدر، پکتیکا و کنر ده پولیو ایکی مثبت واقعه‌سی قید ایتیلگن که اوتمیش ییل‌لر گه نسبتن کوزگه کورینرلی درجه ده کمه‌یشینی کورسته‌دی.
بیزلرنینگ توییترده هم تعقیب قیلینگ!
ساغلیق‌نی سقلش وزیرلیگی، افغانستان بویلب پولیو گه قرشی ایملش کمپاین باشله‌نیشیدن عین‌حالده خبر بیرماقده که، اوتگن هفته خلق‌ارا ساغلیق‌نی سقلش تشکیلاتی، میلادی ۲۰۲۱_ییل آگست آی دن حاضرگچه، افغانستان‌لیک باله‌لر گه ۸۶.۷ میلیون دوز پولیو واکسینی تطبیق ایتیلگنیدن خبر بیرگن ایدی.
