Asset 1SWN

سلام وطندار

کرونا نینگ ایکینچی موجی؛ ۲۴ ساعتده ۱۲ کیشی دنیا دن اوتگن

ویروس-کرونا-880x550

مملکت عامه‌ساغلیک وزیرلیگی تامانیدن ترقه‌تیلگن گزارشگه گوره، ۲۴ ساعت جریانیده کرونا ویروسی‌گه یولیققن کیشی‌لردن ۱۲ ته سی جان بیرگن، جان بیرگن کیشی‌لر نینگ ۳ ته‌سی کابل، ۵ ته‌سی هرات، ۱ ته‌سی ننگرهار، ۲ ته‌سی تخار و ۱ ته‌سی ایسه زابل ولایت‌لریدن بولگن، شونینگ دیک اولکه‌ده کرونا ویروسی‌گه یولیقیب اولگن‌لر رقمی ۱۶۷۵ کیشی گه یوکسل‌گن.

عامه‌ساغلیک وزیرلیگی سوزلاوچیسی نینگ اورین باسری معصومه جعفری گه کوره، اوتگن ۲۴ ساعت جریانیده ۱۴۰ کیشی‌کرونا ویروسی‌گه یولیققن، کرونا ویروسی‌گه یولیققن کیشی‌لر کابل، بامیان، ننگرهار، قندهار، بدخشان، پروان، لغمان، لوگر و زابل ولایت لریدن بولگن‌لر، شونینگ دیک اولکه کرونا ویروسی‌گه یولیققن کیشی‌لر رقمی ۴۴ مینگ و ۵۰۳ کیشی‌گه ایریشگن.

انه‌شوحالده انسان حقلری کمیسیونی نینگ افغانستانده گی دفتری بیر اعلامیه‌ترقه تیب، کرونا ویروسی باله لر اوستیگه کوپینچه سلبی تاثیر قویگن و کرونا ویروسی‌گه یولیققن باله لر رقمی کوپه‌یب باریشدن خواطر بیلدیرگن.

انسان حقلری کمیسیونی نینگ کمیشنری راضیه صیادی گه‌کوره، افغانستانده ۱۱۲۶ باله کرونا ویروسی‌گه یولیققن و ۶ باله ایسه کرونا ویروسدن جان بیرگن.

خانم صیادی، کرونا ویروسی باشله‌گنیدن بویان باله‌لر “سِل” کسل‌لیگی نینگ رقمی آرتگنیدن خواطر بیلدیریب، احتیاجی بولگن باله‌لر نینگ رقمی ۵۰۶ میلیون‌دن ۸۱۲ میلیونگه ایریش گنی نی بیلدیرگن.

اولکه ده کرونا ویروسی نینگ ایکینچی موجی باشله گنیدن بویان هرات ولایتی نینگ ساغلیک مسووللری هم اوشبو ولایتده کرونا ویروسی سببلی هلاک بوله‌دیگن کیشی‌لر رقمی آرتگنیدن خبر بیره‌دیلر.

هرات ولایتی ساغلیک ریاستی سوزلاوچیسی محمد رفیق شیرزی نینگ سلام وطندارگه ایتیشیچه،  اوتگن ۱۰ کون ایچیده ۳۲ کیشی کرونا ویروسی سببلی اولگن و حاضرگچه ۱۳ کیشی نینگ تستی مثبت  چیققن، نتیجه سی بیللی بولمه‌گن کیشی‌لر نینگ تستی هم یقینده بیللی بولیشی ممکن.

جناب شیرزی نینگ سوزیگه کوره، اوتگن بیر آی جریانیده ۹ اولیم رقمی ثبت ایتیلگن ایدی.

هرات ولایتی ساغلیک ریاستی مسووللری نینگ سوزلریگه کوره، ۱۰ کون جریانیده تست ایتیلگن کیشی لر نینگ یوزده ۴۵% مثبت چیققن.

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام