چین جمهوررئیسی شی جین‌پینگ، افغانستان قوشنی مملکت‌لر تشقی ایشلر وزیرلری نینگ اوچینچی ییغینیده‌گی بیانیه‌سیده ایتیشیچه، اوشبو مملکت‌ده صلح و ثبات برقرار اییتلیشی دنیا و منطقه مملکت‌لری نینگ منفعتی گه دیر.
چین تشقی ایشلر وزیرلیگی نینگ سوزلاوچیسی هوا چون اینگ، شی جین‌پینگ نینگ بیاناتی‌دن نقل قیلیب توییتر صحیفه‌سیده یازیشیچه، بیجینگ افغانستان نینگ حاکمیتی و مستقللیگی گه حرمت قایل بوله‌دی و اوشبو مملکت‌ده رواجلنیش، برقرارلیک و تینچ‌لیک‌دن حمایت قیلیش اوچون متعهد دیر.
بیزلرنینگ فیسبوک صحیفه‌میزگه باش اورینگ!
شی جین پینگ نینگ ایتیشیچه: «تینچ و رواجلنگن بیر افغانستان، بوتون مملکت اهالی‌سی نینگ امیدی دیر. شونینگدیک خلق‌ارا جماعه و منطقه مملکت‌لر نینگ قوشمه منفعت‌لری نینگ اساسی بولیمیده دیر.»
افغانستان قوشنی مملکت‌لر تشقی ایشلر وزیرلر ییغینی نینگ اوچینچی دوری، چین میزبانلیگی بیلن اوشبو مملکت نینگ تون‌شی شهری ده یولگه قوییلگن.
بیزلرنینگ توییترده هم تعقیب قیلینگ!
اوشبو ییغین ده اشتراک قیلگن ایران تشقی ایشلر وزیری حسین امیر‌عبداللهیان ایتگن که، منطقه مملکت‌لری افغانستان نینگ اینه بیر مرته سیاسی جنجللر و آتیشمه‌لر صحنه‌سی گه اوزگرمه‌یشی اوچون سعی و حرکت قیلیش‌لری کیره‌ک.
اونگه کوره، افغانستان قوشنی‌لری و دوست مملکت‌لری، افغانستان نینگ ترقیاتی و قیته قوریش اوچون بیربیراولری بیلن همکارلیک قیلیب، ییترلی ایشلرنی سوله‌ب و همکارلیک‌لری نینگ کوپه‌یتیریشلری کیره‌ک.
