اسلامی امارت تشقی ایشلر وزیرلیگی سوزلاوچیسی نینگ اورین باسری حافظ ضیا احمد، بوگون توییتری‌ده یازیشیچه، اوشبو وزیرلیک سرپرستی، افغانستان قوشنی مملکت‌لری تشقی ایشلر وزیرلری نینگ اوچینچی ییغینیده اشتراک ایتیش اوچون، چین پایتختی بیجینگ ییتیب بارگن.
اسلامی امارت تشقی ایشلر وزیرلیگی نینگ سرپرستی بوگون (چهارشنبه، ۱۰ حمل) یوقاری مرتبه‌لی بیر هیأت ییتکچیلیگیده بیجینگ ییتیب بارگن. تشقی ایشلر وزیرلیگی سوزلاوچیسی نینگ اورین باسری گه کوره، متقی اوشبو سفری جریانیده قطار مملکت‌لر نینگ تشقی ایشلر وزیرلری و نماینده‌لری بیلن اوچره‌شووی کوتیله‌دی. اونینگ ایتیشیچه، امیرخان متقی چین نینگ رسمی دعوتی بیلن اوشبو مملکت گه سفر قیلگن.
بیزلرنینگ فیسبوک صحیفه‌میزگه باش اورینگ!
چین تشقی ایشلر وزیرلیگی نینگ سوزلاوچیسی بوندن آلدین، بو مملکت بوگون و ایرته (چهارشنبه و پنج‌شنبه) افغانستان باره‌سیده اوشبو مملکت قوشنی‌لری تشقی ایشلر وزیرلری نینگ اوچینچی دور ییغینی‌دن میزبان‌لیک قیلیشینی ایتگن ایدی. اونینگ کوپه‌یتیریشیچه، چین؛ دنیا جماعه‌چیلیگیدن افغانستان‌نی حمایت ایتیشی گه امید بیلدیرگن و شونینگدیک دنیا جماعه‌چیلیگی آمریکادن، افغانستان‌نی قیته قوریش واقعی مسئولیتینی زمه‌سیگه آلیشینی طلب قیلیشینی تأکید ایتگن.
بیزلرنینگ توییترده هم تعقیب قیلینگ!
گرچند اسلامی امارت رسمی‌لری نینگ ایتیشلریچه، اوشبو ییغین آجنداسی خصوصیده حاضرگچه اولر گه معلومات بیریلمه‌گن؛ بیراق بو ییغینده اقتصادی و باشقه مسئله‌لر بحث گه آلینیشینی ایتگن‌لر.
