اسلامی همکارلیکلر تشکیلاتی بوگون پاکستان پایتختی اسلام‌آبادده ۴۸-ییغینینی یولگه قویدی. مذکور تشکیلات گه کوره، بو افغانستان باره‌سیده ایکینچی بویوک ییغین دیر که ۱۲ کون دوام تاپیشی کوتیله‌دی؛ بیراق بو ییغینده امیرخان متقی نینگ حضوری‌دن هیچ بیر خبر یوق دیر.
بوندن آلدین اسلامی امارت، اوشبو ییغینده اشتراک ایتیش مقصدیده افغانستان نماینده‌لیگیدن بیر هیأت اسلام‌آباد یوللشینی ایتگن ایدی. اسلامی همکارلیکلر تشکیلاتی ییغینیده افغانستان وضعیتی محاکمه قیلینیشی کوتیله‌دی. اوشبو ییغینده سعودی عربستان تشقی ایشلر وزیری ملک فیصل نینگ ایتیشیچه، افغانستان بویلب بشری بحران گه چیک قویلیشی اوچون مذکور مملکت گه انسان پرورلیک یاردم‌لر دوام بیریلیشی کیره‌ک. ملک فیصل افغانستان دولتی‌دن، بو مملکت ترورچی گروه‌لر مکانی گه اوزگرمسلیک اوچون اولر گه رخصت بیرمسلیگینی طلب قیلگن.
بیزلرنینگ فیسبوک صحیفه‌میزگه باش اورینگ!
ملک فیصل نینگ ایتیشیچه: «بیز افغانستان خلقی گه یاردم بیریلیشی اوچون تلاش قیلماقده میز و افغان‌لردن، بو مملکت عصیانچی گروه‌لر مکانی گه اوزگرمسلیگی، بشر حقوقی اینیقسه خاتین قیزلر حقوقی گه حرمت قیلیش و تعلیم اوچون، اوزلری گه یاردم بیریش‌لرینی ایسته‌یمیز.»
باشقه تاماندن، پاکستان اسلامی همکارلیکلر تشکیلاتی‌دن، افغانستان‌نی اقتصادی و بشری بحران‌دن قوتقریش‌لرینی سوره‌گن. اوشبو ییغینده پاکستان تشقی ایشلر وزیری شاه‌محمود قریشی، افغانستانده‌گی اقتصادی و بشری بحران گه ییچیم یول تاپیش، اولر نینگ بیرینچی ایشلریدن بولیشینی ایتگن. پاکستان تشقی ایشلر وزیری نینگ ایشانچی گه کوره، افغانستان‌نی تینچ‌سیز قیله‌دیگنلر و ترورچی‌لر مکانی گه اوزگرتیریشنی ایسته‌گنلرنی آلدی آلینیشی کیره‌ک. اونگه کوره، افغانستان‌ده دایمی تینچلیک و خوفسیزلیک برقرار ایتیلیشی برچه اونیمیگه دیر.
پاکستان تشقی ایشلر وزیری شاه‌محمود قریشی نینگ ایتیشیچه: «افغانستان رسمی‌لرینی، داعش و پاکستان طالبلر تحریکی کبی باشقه ترورچی گروه‌لر، ETIM، IMU و القاعده‌نی یوق ایتیش اوچون حمایت و ترغیب قیلیشمیز کیره‌ک.»
بیزلرنینگ توییترده هم تعقیب قیلینگ!
بیرلشگن ملت‌لر تشکیلاتی‌دن کیین دنیا نینگ اینگ ییریک خلق‌ارا ایکینچی تشکیلاتی و دنیا بویلب ۵۷ مسلمان مملکت اعضا بولگن او.آی.سی تشکیلاتی، هر ییلی اسلامی همکارلیکلر تشکیلاتی قرارلرینی تیکشیریش اوچون ییغین اوتکزه‌دی. پاکستان، سعودی عربستان، ترکیه، افغانستان، ایران، اندونزی، مالزی، اردن، کویت، لبنان، لیبی، الجزایر، چاد، مصر، یمن، سودان، سومالی، فلسطین، مراکش و نیجریه مذکور تشکیلات نینگ اصلی اعضالری دیر.
بوندن آلدین اسلامی همکارلیکلر تشکیلاتی نینگ تشقی ایشلر وزیرلر کینگشی، ۴۷ مراتبه ییغین اوتکزگن و پاکستان ۱۹۷۰، ۱۹۸۰، ۱۹۹۳ و ۲۰۰۷-ییل‌لری‌ده اسلامی همکارلیکلر تشکیلاتی نینگ ۴ ییغیندن میزبانلیک قیلگن.
