خوست و کنر ولایت‌لری‌گه پاکستان نینگ حربی هجوم‌لری‌دن نیچه کوندن کیین، اوشبو مملکت نینگ ینگی تشقی ایشلر وزیری حنا ربانی کهر نینگ ایتیشیچه، پاکستان افغانستان نینگ مستقل‌لیگی و حاکمیتی‌گه حرمت قیله‌دی.
پاکستان ینگی تشقی ایشلر وزیری اوشبو سوزلرنی پاکستان نینگ افغانستان اوچون مخصوص نماینده‌سی محمدصادق بیلن بولگن اوچره‌شووی‌ده بیان قیلگن. مذکور مملکت تشقی ایشلر وزیرلیگی بوگون بیر خبرنامه ترقه‌تیب ایتیشیچه، بو اوچروشووده محمدصادق افغانستا ومنطقه وضعیتی باره‌سیده حنا ربانی کهر گه مفصل معلومات بیرگن.
بیزلرنینگ فیسبوک صحیفه‌میزگه باش اورینگ!
خبرنامه اساسیده، پاکستان تشقی ایشلر وزیری اوشبو مملکت کوچلری‌گه قرشی افغانستان توپراغیدن هجوم اویوشتیریلیشی خصوصیده خواطر بیلدیریب ایتیشیچه، ثباتلی افغانستان پاکستان اوچون اوته مهم دیر. اونگه کوره، پاکستان منطقه اینیقسه افغانستانده دایمی تینچ‌لیک تامینلنیشی اوچون سعی و حرکت‌لری گه دوام بیره‌دی.
پاکستان سونگی ایکی سنه‌ده عصیانچی گروه‌لرگه جای بیریش گه متهم تانیلگن، حاضر افغانستانده اسلامی امارت‌نی پاکستان‌لیک طالبلرگه پناه بیریش گه عیبلماقده.
پاکستان تشقی ایشلر وزیرلیگی نینگ ایتیشیچه، «تروریست‌لر پاکستان ایچیده فعالیت‌لری گه دوام بیریش اوچون افغانستان توپراغیدن فایده لنه‌دیلر.»
بیزلرنینگ توییترده هم تعقیب قیلینگ!
مذکور وزیرلیک ینگی‌لیکده، اسلامی امارت‌نی پاکستان‌لیک طالبلرگه پناه بیریشی خصوصیده آگاه‌لنتیریش گه قوشیمچه، کابل دولتی‌دن چیگره خوفسیزلیگی تأمین ایتیلیشینی طلب قیلگن.
پاکستان، شمالی وزیرستان‌ده اوشبو مملکت نینگ ییتی عسکری اولدیریلیشی‌گه قرشی، افغانستان توپراغیده دیورند چیزیغیده‌گی تورر منطقه‌لرنی بمباردمان قیلگن.
اسلامی امارت رسمی‌لری گه کوره، اوشبو هجوم‌لرده کمیده ۴۷ کیشی هلاک بولگن. ایتیلیشیچه، اکثر قربانی‌لر عیاللر و باله‌لر دیر.
