پاکستان تشقی ایشلر وزیرلیگی اوتگن کون ایتگن دیرکه عصیانچیلر افغانستان توپراغیدن اوشبو مملکت حربی‌لری‌گه قرشی هجوم قیلگن‌لر.
شونده‌ی بیرحالده، تحلیلچیلرگه کوره، پاکستانده نیابتی اوروش و خوف‌سیزلیکلر کوپه‌یگن و پاکستان مقاملری بوکبی سوزلر بیلن بو اوروشنی افغانستانده انتقال بیریشنی ایسته‌یدیلر.
سیاسی ایشلربوییچه تحلیلچی محمد حیدری نینگ ایتیشیچه، آمریکا نینگ ایسکی حلقه‌سی پاکستان نینگ ینگی حکومتی‌گه فعال دیر و شونینگدیک افغانستان حکومتی ایچیده هم پاکستان بیلن تعهد قیلگن و اوشبو مملکت نفع‌گه ایش قیله‌یاتگ گروه‌لر موجود.
بیزلرنینگ توییترده هم تعقیب قیلینگ!
جناب حیدری‌گه کوره، بوکبی اساس شرایطده اسلامی امارت پاکستان نینگ سیاست گولی نی ییمه‌ییشی کیره‌ک.
اونینگ کوپه‌یتیریشیچه، قیزلرنینگ مکتب‌لری یاپیق قالگنی، اوزباشیمچه قولگه آلینیشلر و سابق حکومت کوچلری اولدیریشی پاکستان آرقه‌داشلری و پاکستان بویروغی اساسیده؛ اسلامی امارت قیین بیرتقدیر بیلن روپه‌رو بولیشی اوچون صورت تاپه‌دی.
عین‌حالده، خوف‌سیزلیک و استخبارتی ایشلری بوییچه تحلیلچیلردن باشقه بیری، عبدالوحد طاقت نینگ ایتیشیچه، اوشه‌ندیکه اوتمیش‌لرده بیر قیطار آمریکالیک و خلق‌ارا عصیانچی گروه‌لر آمریکا حمایتی بیلن پاکستانده تعلمات کوریب، خاص ریجهلر اساسیده افغانستان کبی مملکتلر برابریده استفاده قیلیندیلر، حاضرهم آمریکا نینگ استخبارتی خاص گروه‌لری پاکستانده جایلشگن‌لر.
اونینگ ایتیشیچه، مذکور گروه‌لر پاکستان آرقه‌لی افغانستان و باشقه بیرقطار ممکلت‌لربرابریده ایشله‌تیله‌دی.
اونینگ کوپه‌یتیریشیچه پاکستان باشقه بیرقطار مملکتلر بویروغی اساسیده، صلح لاویحه‌سی نی نیچه مراتبه اورته‌دن ایلتیب و وقتینچه‌لیک حکومت یوزه‌گه کیلیش اوچون زمینه یره‌تگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلامی امارت سوزلاوچیسی ذبیحالله مجاهد نینگ ایتیشیچه، دیورند چیگره چیزیغی خصوصیده‌گی قیینچیلیکلر حربی یول بیلن ایمس، بلکیم سوزله‌شو و دیپلوماتیک یوللر آرقه‌لی حل ایتیلیشی کیره‌ک.
ایتیش کیره‌ک دیرکه بوندن آلدین هم بیرقطار مملکتلر عصیانچی گروه‌لر افغانستان توپراغیدن اشقه مملکت‌لرگه قرشی فایده‌لنیشی خضوضسده خواطر بیلدیرگن ایدی.
