پکتیا محلی مسئوللری نینگ ایتیشلریچه، اوتگن آقشام کیچ‌قورن اوشبو ولایت نینگ دندپتان تومنی دیورند چیگره چیزیغی یقینیده اسلامی امارت چیگره کوچلری بیلن پاکستان حربیلری اورته‌سیده آتیشمه یوزبیرگن.
پکتیا ولایتی معلومات و مدنیت ریاستی باشلیغی خالق‌یار احمدزی، اوشبو واقعه‌نی تصدیق‌لب سلام‌وطندارگه ایتیشیچه، پاکستان حربی کوچلری دندپتان تومنی نینگ «شپولی» منطقه‌سیده اسلامی امارت نینگ گزمه قیله‌یاتگن کوچلریگه قره‌ته اوق اوزگن و اوندن کیین ایککی تامان اورته‌سیده آتیشمه یوز بیرگن.
بیزلرنینگ فیسبوک صحیفه‌میزگه باش اورینگ!
پکتیا ولایتی معلومات و مدنیت ریاست باشلیغی نینگ کوپه‌یتیریشیچه، مذکور آتیشمه‌ده، اسلامی امارت کوچلریگه ضرر ییتیشمه‌گن و قرشی تامان نینگ تلفاتی باره‌سیده معلوماتی یوق.
شونینگدیک محل یشاوچیلری اوشبو واقعه‌نی تصدیق‌لب ایتیشلریچه، ایککی تامان اورته‌سیده آتیشمه نیچه ساعت دوام ایتگن.
ایتیش کیره‌ک‌که اوتگن کون پاکستان حربیلری خوست ولایتی سپیری تومنیده هوایی هجوم قیلگنلرکه نتیچه‌ده تینچ اهالی کوپینچه تلفات کورگن.
شونده‌ی بیر حالده، کنر ولایتی نینگ شلتن تومنیده عادی اهالی پاکستان حربیلری تامانیدن توپخانه هجوم آستیده قرار بیریلگنلر.
بیزلرنینگ توییترده هم تعقیب قیلینگ!
مذکور هجوملر مملکت ایچکریسی و تشقریسیده کوپینچه عکس‌العمللرگه سبب بولدی. اوشبو هجوملرگه قرشی اوتگن کون خوست یشاوچیلری و بوگون هم ننگرهار یشاوچیلری ناراضیلیک نمایش اویویشتیرگنلر.
