پاکستان دن افغانستان‌لیک قاچقینلر نینگ چیقریلیش پروسه‌سی دوام تاپیشی بیلن بیرگه، بیرلشگن ملت‌لر تشکیلاتی نینگ قاچقینلر ایشلری بوییچه عالی کمیساری، اوتگن یک‌شنبه، ۱۹-قوس، آسوشیتدپرس آژانسی گه ایتیشیچه، افغانستان‌لیک قاچقینلر نینگ پاکستان دن قیتیشلری چاغیده، برچه نرسه‌لری نی قولدن بیریب و اوزلریدن حفاظت قیلیش اوچون هیچ نرسه‌لری یوق دیر.
مذکور تشکیلات نینگ آگاه‌لنتیریشیچه، اوشبو قاچقینلر گه باش پنه یره‌تیلمه‌گنی، اولر نینگ حیات‌لری نی تهدید قیله‌دی. «عیال‌لر و باله‌لر شامل افغانستان‌لیک قاچقین‌لردن کوپینچه‌سی ، زیان کوره‌دیگن دیر و اولر ییترلیچه باش‌پنه گه قول تاپه آلمه‌یدیلر. قتیق قیش موسومی‌ده جان‌لری نی قولدن بیریشلری ممکن. چیگره گه ییتیشه‌دیگن کیشی‌لر، عاجل یاردم گه نیازی بار.»
بیزلرنینگ «ایکس» ترماغی ده هم تعقیب قیلینگ!
بیرلشگن ملت‌لر تشکیلاتی نینگ قاچقینلر ایشلری بوییچه عالی کمیساری گه کوره، چیگره قتناو یول‌لریده هوا ساووق دیر و یاردم بیروچی نهادلر نینگ ایشینی قیین‌لشتیرگن.
باشقه بیر تامان‌دن، پاکستان دن قیتگن و چمن-اسپین‌بولدک و تورخم قتناو یول‌لریده‌گی وقتینچه‌لیک کمپ‌لرده بولگن قاچقین‌لردن قطاری نینگ ایتیشلریچه، هوا نینگ ساووق‌لیگی اولر و باله‌لری اوچون حیات نی قیین‌لشتیرگن.
تورت کون آلدین ۱۲ کیشی‌لیک عایله‌سی بیلن چمن-اسپین‌بولدک قتناو یولی‌دن مملکت گه قیتگن صالح محمد نینگ ایتیشیچه، هوا نینگ ساووق‌لیگی سبب، باله‌لری کسل بولگن دیر.
صالح محمد نینگ کوپهیتیریشیچه: «چادرده حیات کیچیریش کوپ قیین، چونکه هوا ساووق بولگن. اوزلریز گه جای تاپینگ و بو ییردن کیتینگ دیدیلر. ییریمیز یوق، قیرگه کیته‌یلیک. باله‌لریمیز یامان بیر وضعیت‌ده، بیلمه‌یمیز نیمه قیله‌یلیک.»
شونینگدیک اوچ کون آلدین چمن-اسپین‌بولدک قتناو یولی‌دن مملکت گه قیتگن نوراحمد نینگ ایتیشیچه: «بو ییرده وقتینچه‌لیک دیر، قیین‌چیلیگیمیز بار. سکیز کیشی بیر ییرده حیات کیچیره‌میز. هوا ساووق بولگن. بیر قطار کیشی اینیقسه باله‌لر کسل بولگن. حکومت‌دن اوی خصوصیده همکارلیک ایسته‌یمیز.»
شونده‌ی بیرحالده، ایکی هفته آلدین تورخم قتناو یولی‌دن ۹ کیشی‌لیک عایله‌سی بیلن مملکت گه قیتگن شهزادگل نینگ ایتیشیچه، دایمی باش پنه اولر نینگ جدی نیازلریدن دیر.
شهزادگل نینگ کوپهیتیریشیچه: «هوا ساووق بولگن و چادرده حیات کیچیریش قیین. چادرده حیات کیچیره‌میز، کوپینچه قیین‌چیلیک بیلن روپه‌ره‌میز. بیزلر گه ییر و اوی بیریلیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
گرچند سرپرست حکومت ینگی‌لیکده پاکستان دن قیتگن قاچقینلر گه باش پنه یره‌تیش اوچون هیچ نرسه دیمه‌گن، بیراق بوندن آلدین پاکستان گه قیتگن قاچقینلر اوچون ۲۰۰ مینگ نمره یشش ییر ترقه‌تیلیشی نی اَیتگن ایدی.
پاکستان دن افغانستان‌لیک قاچقینلر نینگ چیقریلیش پروسه‌سی باشلنگنی بیلن، ۴۰۰ مینگ‌دن آرتیق کیشی مملکت گه قیتگن و اولردن قطاری اصلی یشش منطقه‌لری گه انتقال بیریلیب و بیر قطاری ایسه، حاضرگچه قیتگنلر نینگ وقتینچه‌لیک کمپ‌لریده حیات کیچیرماقده‌لر.
