پاکستان دن افغانستان گه قیتریلگن عایله‌لردن قطاری نینگ ایتیشلریچه، باش‌پنه‌سیزلر و باشقه قیینچیلیکلر گه علاوه، باله‌لری تورلی‌خیل کسل‌لیکلر گه چلینگن.
قریب ۱۵ کون آلدین عایله‌سی بیلن بیرگه‌لیکده پاکستان دن قندهار گه قیتگن عبدالجبار نینگ ایتیشیچه، باش‌پنه‌سیز‌لیک سبب، ساووق هوا‌ده باله‌لری بیلن چادر ده حیات کیچیره‌دی.
اونگه کوره، باله‌لری کسل بولیب و اولر نینگ درمان‌لش گه کوچی ییتمه‌یدی. «قیش موسومی ییتیب کیلماقده، حاضر چادر ده حیات کیچیره‌میز، بیراق ساووق هوا‌ده بولمه‌یدی. بو باله‌م جوده کیچیک، پیچکاری بیریلگن، چونکه جگری خراب دیر. بیزلر گه اونچه‌لیک یاردم بیریلمه‌گن. ۲۳ مینگ افغانی بیرگن ایدیلر که برچه‌سی خرچ بولدی. اوی کرایه‌سی گه کوچی‌میز ییتیشمه‌یدی و حتا بیر چادر گه کوچی‌میز ییتیشمه‌یدی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، سونگی کونلر مملکت گه قیتریلگن یشاوچیلردن قطاری هم، بو کبی قیینچیلیکلر بیلن روپه‌ره‌لر. اولر، حکومت و یاردم بیرووچی نهاد‌لردن، اولر گه دستلبکی یاردم‌لر گه علاوه، قیش موسومی ییتیب کیلیشی اوچون باش‌پنه بیریلیشی نی ایسته‌یدیلر.
مملکت گه قیتریلگن یشاوچیلردن بیری احمد نینگ سلام‌وطندار گه ایتیشیچه: «اهالی‌دن کوپینچه چاردده حیات کیچیره‌دی. قیش موسومی اوچون هیچ نرسه‌میز یوق، حکومت‌دن بیزلر گه باش پنه بیریلیشی خصوصیده همکارلیک قیلینیشی نی ایسته‌میز. پاکستان ده توغیلیب و بوتون عمرلریده افغانستان نی کورمه‌گن کیشی‌لر هم بار بو ییرده، بوش قول بیلن قیتگنمیز، حکومت یاردمی بولمه‌گنی صورت‌ده، بو قشاق اهالی نیمه قیله‌ر ایدی.»
شونده‌ی بیرحالده، قندهار مهاجرلر ایشلری بوییچه ریاستی مسئوللری نینگ ایتیشلریچه، مملکت گه قیتریلگنلر گه نقد پول گه علاوه، کمپل، چادر، طبی اوسکونه‌لر و باشقه کیره‌کلی نرسه‌لر یره‌تیلگن دیر.
قندهار مهاجرلر ایشلری بوییچه ریاستی نینگ قیته اوی-جای بیریش بولیمی آمری نعمت‌الله الفت نینگ ایتیشیچه: «مهاجرلر ریاستی کوپینچه امکانیت‌لر نی یره‌تگن دیر. کمپ تکمیل بولماقده. بو کمپ‌ده ۱۰۰۰ عایله نینگ سیغیشی ممکن. باش پنه‌سیز عایله‌لر وقتینچه‌لیک شکلده بو کمپ ده حیات کیچیریشلری ممکن. او ییرده آزیق-آوقت، ساغلیق امکانیت‌لر و باله‌لری اوچون تعلیم زمینه‌سی و باشقه امکانیت‌لر یره‌تیلگن دیر.»
بیر قطار مملکت‌لر و خلق‌ارا تشکیلات‌لر پاکستان نینگ بو اقدامی‌دن تنقید‌لب و بو اقدام نی خلق‌ارا قانونلری گه قرشی دیگنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ایش بیلرمانلر نینگ ایتیشلریچه، پاکستان قاچقین‌لردن افغانستان دولتی‌دن اوز ایسته‌کلری نینگ قبول قیلینیشی اوچون بیر باسیم صفتیده قوللنیش ایسته‌گن.
تحلیلچیلردن بیری صفی‌الله عزیزی نینگ ایتیشیچه: «پاکستان افغانستان‌لیک قاچقین‌لرنینگ برچه نرسه‌لری نی آلیش بیلن، قانونی‌سیز بیر ایش گه عیب‌لنگن. اولر اوز مقصد‌لری گه ایریشیش نی ایسته‌یدیلر. دنیا جماعه‌سی پاکستان دن قیسی قانون-قاعده اساسیده قاچقینلر نینگ نرسه‌لری نی ضبط قیلگنی نی سوره‌سینلر.»
ایتیش کیره‌ک که، پاکستان نینگ وقتینچه‌لیک حکومتی نیچه مدت آلدین اوشبو مملکت‌دن جبری شکلده افغانستان‌لیک قاچقینلر نینگ چیقریش خصوصیده قرار آلیب و بو قرار خلق‌ارا قانون‌لر گه قرشی دییلگن.
