کونده یوزلب افغانستان‌لیک قاچقین‌نینگ پاکستان دن مملکت گه قیتیشی بیرحالده، قندهار قاچقینلر ریاستی مسئوللری‌نینگ ایتیشلریچه، جاری قویاش ییل پاکستان دن ۵۴ مینگ ۹۵۸ افغانستان‌لیک قاچقین سپینبولدک چیگره‌سی آرقه‌لی مملکت گه قیتگن.
قندهار قاچقینلر ریاستی مسئوللری‌نینگ ایتیشلریچه، جاری قویاش ییل پاکستان بیر مینگ ۴۹۷ افغانستان‌لیک محبوس‌نی هم سپینبولدک چیگره‌سی آرقه‌لی اسلام امیرلیگی مسئوللری‌گه تاپشیرگن.
بیزلرنینگ «ایکس» ترماغی ده هم تعقیب قیلینگ!
قندهار قاچقینلر ریاستی‌نینگ مملکت‌گه قیتگنلرنی ثبت قیلیش بولیمی مسئولی حبیب‌الله‌گه کوره: «حمل آیی‌دن حاضرگچه، سپین بولدک چیگره‌سیدن ۱۰ مینگ ۳۵۰ عایله که، ۵۴ مینگ ۹۵۸ کیشی بوله‌دی، مملکت گه قیتگن. اوشبو قاچقینلر گه علاوه بیر مینگ ۴۹۷ افغانستان‌لیک محبوس هم تاپشیریلگن.»
شونده‌ی بیرحالده، پاکستان دن مملکت گه قیتگن عایله‌لردن قطاری‌نینگ ایتیشلرچه، مهاجرت قیلگنلری پیتده هم قیین‌چیلیک بیلن روپه‌ره بولیب و حاضر هم قیین‌چیلیکلرگه روپه‌ره‌لر.
مذکور عایله‌لر، اولرگه بیریله‌دیگن یاردم‌لرنی ییترلی بیلمه‌ی و سرپرست حکومت مسئوللری‌دن باش‌پنه و ایش فرصت‌لری یره‌تیلیشی‌نی ایسته‌گنلر.
ینگی‌لیکدن پاکستان دن سپینبولدک چیگره‌سی آرقه‌لی افغانستان گه قیتگن شیرمحمد او ییرده‌گی قیین‌چیلیکلرنی بیان قیلیش بیلن ایتیشیچه: «پاکستان ده باله‌لریمیز گه مکتب باریش اوچون رخصت بیرمس ایدیلر. ایش اوچون باشقه شهرلر گه هم باره آلمس ایدیک. افغانستان‌لیکلر قولگه آلینه‌ر ایدی. افغانستان گه قیتدیک و بو ییرده یاردم بیریلیشی‌نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
مذکور چیگره آرقه‌لی مملکت گه قیتگن قاچقینلردن باشقه بیری نذیراحمد‌نینگ ایتیشیچه، «پاکستان ده کوپ یامان رفتار قیله‌ر ایدیلر. خورسند‌لیک بیلن مملکتی‌میزده بو قیین‌چیلیکلر یوق و ایشانچلی بیر شکلده بو ییرده حیات کیچیره آله‌میز.»
قندهار قاچقینلر ریاستی‌نینگ بیاناتی اساسیده، حاضر ایسه اوشبو ولایت‌ده مملکت گه قیتریلگن قاچقینلر گه شهرچه قوریلیشی و شونینگدیک اولرگه یاردم ترقه‌تیلیش پروسه‌نینگ دوامی بار.
