افغانستان بوییچه آمریکا بیرلشمه ایالتی نینگ خاص نماینده‌سی توماس وِست، خبرچی‌لر، بانک‌دارلر، انسانی حقوق فعال‌لری، سابق مجلس نماینده‌لری و مملکت نینگ سابق حکومت رسمی‌لریدن قطاری بیلن استانبول ده اوچره‌شگنیدن خبر بیرگن.
وِست اوز توییتر صحیفه‌سیده یازیشیچه، مذکور اوچره‌شوولردن مقصد افغانستان وضعیتی گه دایر فکر_ملاحظه‌لرنی تینگلش ایدی. اونینگ اورغولشیچه، خلق‌ارا جماعه‌چیلیگی افغانستان گه عاید اوز ریجه‌لری اوشبو مملکت بوتون قوم‌لری بیلن شریک قیلیشی کیره‌ک.
بیزلرنینگ توییترده هم تعقیب قیلینگ!
افغانستان ایشلری بوییچه آمریکا نینگ مخصوص وکیلی گه کوره، اوتگن هفته سیاسی سیما‌لر بیلن اوتکزگن ملاقاتیده، اولر افغانستان یشاوچیلری اوچون زوروانلیک نی درست یول بولمه‌گنی گه ایشانیب و قیین‌چیلیک‌لر نی حل قیلیش اوچون، سیاسی پروسه نی ترجیح بیریب و اونگه علاقه‌مند‌لر. بیراق او، حاضر ایسه اوشبو پروسه نینگ جریان‌ده بولمه‌گنی خصوصیده ناامید‌لیک بیلدیرگن.
شونینگدیک وِست ایتگن که، انسان حقوقی اینیقسه عیال‌لر و قیزلر حقوقی گه یره‌تیلگن چیکلاو‌لر نینگ کوپه‌یشی خصوصیده خواطرلر بیلدیریلگن. اونگه کوره، هر ییغین‌ده قیزلر نینگ متوسطه و لیسه مکتب‌لری آچیلیشی خصوصیده تأکید ایتیله‌دی.
او اوچره‌شوولریده افغانستان ده سوداگرلیک و سرمایه یاتقیزیش حقیده ایتگن که، اوشبو یول رسمی بانک‌دارلیک بولیمیده اعتماد نی یخشیلنیشی گه نیازی بار. وِست نینگ بیان قیلیشیچه، آسان حل یول موجود ایمس، بیراق بانک‌لر قوللشی گه رخصت بیریلمس کیره‌ک.
سونگی کون‌لرده افغان سیاست‌چیلریدن قطاری تورکیه نینگ انقره شهریده «افغانستان‌نی قوتقریش ملی مقاومت عالی کینگش» نامی آستیده افغانستان وضعیتی حقیده قرار آلیش اوچون توپلنگنلر.
بیزلرنینگ فیسبوک صحیفه‌میزگه باش اورینگ!
مذکور کینگش بیر اعلامیه ترقه‌تیش بیلن اسلامی امارت برابریده مقاومت نی مشروع اعلام قیلیب و ایتگن که، اسلامی امارت نینگ دوام قیلگنی بشری وضعیت نینگ یامان‌لنیشی، مخدره ماده نینگ قاچاقی، مهاجرت‌لر نینگ کوپه‌یشی و افغانستان ترورچی‌لر میدانی گه اوزگریشیگه سبب بولیشی ممکن. شونینگدیک ترقه‌تیلگن اوشبو اعلامیه نینگ بیر بولیمیده اسلامی امارت‌دن افغانستان قیین‌چیلیگی نینگ حل بولیشی اوچون اولر بیلن اوچره‌شوو گه حاضر بولیش‌لری سوره‌لگن.
اسلامی امارت سوزلاوچیسی ذبیح‌الله مجاهد، تورکیه ده یولگه قوییلگن اوشبو ییغین گه تیگیشلی سلام‌وطندار گه ایتگن که، مذکور ییغین‌لر افغانستان ده تینچلیک اوچون بولگن صورت‌ده، خوش‌قرشی‌له‌یدیلر، بیراق افغانستان ثبات‌سیزلیگی اوچون بولگن صورت‌ده اونگه قرشی توخته‌یشلری ممکن.
