محلی ایشانچلی بیر منبع سلام وطندارگه ایتیشیچه، اوتگن کونی بیر ایرکک کیشی عایله‌وی جنجل‌لر طفیلی قیین‌آته و تورموش اورتاغینی اوققه توتیب اولدیرگن. منبع‌گه کوره، اوشبو کیشی قندوز شهری «ابراهیم‌خیل» قیشلاغی یشاوچیسی دیر.
عین‌حالده قندوز امنیه قوماندان لیگی نینگ مطبوعاتی دفتری بیانه ترقه‌تیب ایتیشیچه، اسلامی امارت حربی کوچلری اوتگن کونی بیر کیشی‌نی ایکی عایله اعضاسینی اولدیریش عیبی بیلن قولگه آلگن.
بیزلرنینگ توییترده هم تعقیب قیلینگ!
خبر اساسیده تاج‌الدین اسملی مذکور کیشی قندوز شهری تورتینچی خوفسیزلیک حوزه گه قره‌شلی ابراهیم خیل منطقه‌سی یشاوچیسی دیر، خبرگه یازیلیشیچه مذکور شخص قورال بیلن قیین آته و خاتینینی اولدیرگن.
خبرگه کیلیشیچه، اوشبو کیشی واقعه‌دن سونگ قاچگن ایکن قندوز شهری «چرخان» منطقه سیدن حبس‌گه آلینگن. متهم کیشی اوز عیبی‌نی قبول قیلیب و خوفسیزلیک نهادلر تامانیدن تیرگاو بولماقده.
