پاکستان تشقی ایشلر وزیرلیگی نینگ سوزلاوچیسی عاصم افتخار، اوشبو مملکت نینگ افغانستان‌گه هوایی هجوم‌لریدن کیین ایتیشیچه، اوتگن نیچه آی‌ده پاکستان افغانستان بیلن مشترک چیگره چیزیغی امنیتی اوچون ارتباط‌ده بولگن.
مطبوعاتی ییغین اوتکزگن عاصم افتخار، سونگی نیچه آی‌ده افغانستان و پاکستان چیگره چیزیغیده ترویستیک هجوم‌لر کوچه‌یگنینی ایتگن. پاکستان تشقی ایشلر وزیرلیگی نینگ سوزلاوچیسی گه کوره، اوشبو مملکت خوفسیزلیک کوچلری افغانستان تامانیدن نشانگه آلینه‌دیلر. اونینگ کوپه‌یتیریشیچه: «تروریست‌لر پاکستان‌ده فعالیت قیلیش اوچون افغانستان توپراغیدن فایده‌لنه دیلر.»
بیزلرنینگ فیسبوک صحیفه‌میزگه باش اورینگ!
جناب افتخار نینگ ایتیشیچه، بو مملکتده پاکستان‌لیک طالبلر تحریکی نینگ هجوم‌لری دوام ایتماقده. اونگه کوره، ۱۴ اپریل‌ده پاکستان‌لیک ۷ عسکر شمالی وزیرستان تومنیده، افغانستانده فعالیت آلیب باره‌یاتگن تروریست‌لر تامانیدن اولدیریلگن.
پاکستان تشقی ایشلر وزیرلیگی سوزلاوچیسی نینگ کوپه‌یتیریشیچه، بو گَل ایشلر افغانستان و پاکستان چیگره چیزیغی امنیتی اوچون نقصان ییتکیزه‌دی. او اسلامی امارت‌دن، ایکی مملکت نینگ ترقیاتی و دایمی تینچلیگی اوچون، تروریستیک فعالیت‌لر گه قرشی جدی کوره‌ش‌لرینی سوره‌گن.
پاکستان تشقی ایشلر وزیرلیگی نینگ سوزلاوچیسی، افغانستان نینگ مستقل‌لیگی و حاکمیتی گه حرمت قیلیشی اوستیگه تأکیدلب ایتیشیچه، اسلام‌آباد ایکی تامانلمه مناسبت‌لر کوچه‌یشی اوچون افغانستان دولتی بیلن یقیندن همکارلیک‌لری گه دوام بیره‌دی.
بیزلرنینگ توییترده هم تعقیب قیلینگ!
ایتیش کیره‌ک که، اوتگن کونی بامداد چاغی، پاکستان حربی‌لری خوست ولایتی نینگ سپیری تومنی گه هوایی هجوم اویوشتیردی که تینچ اهالی گه نقصان ییتکیزدی. عین‌حالده پاکستان حربی‌لری کنر نینگ شلتن تومنی گه توپخانه‌یی هجوم قیلیب، تینچ اهالی‌نی نشانگه آلدیلر.
بو هجوم‌لر ایچکی و تشقی عکس‌العمل‌لر گه روپه‌رو بولگن. اوتگن کونی خوست یشاوچیلری اوشبو هجوم‌لرگه مناسبت بیلدیرگن ایدیلر و بوگون ننگرهار یشاوچیلری بو هجوم‌لرگه عکس‌العمل کورسه‌تیب ناراضی‌لیک نمایش اوتکزدیلر.
