افغانستان فقرالری، ۱۴۰۱_ییل ده اینگ بویوک انسانی بحران بیلن روپه‌ره بولگنلر.
افغانستان ده بیرلشگن ملت‌لر تشکیلاتی اورین باسرلیک هیئت دفتری (یوناما)، خلق‌ارا نجات کمیته‌سی، خلق‌ارا آزیق_آوقات دستوری، بیرلشگن ملت‌لر تشکیلاتی نینگ باله‌لردن حمایت قیلووچی صندیغی و اوشبو تشکیلات نینگ انسان پرورلیک یاردم‌لرنی هماهنگ قیلووچی دفتری (اوچا)، هردایم افغانستان نینگ انسانی بحران بیلن روپه‌ره بولیشیدن آگاه‌لنتیرگنلر.
بیرلشگن ملت‌لر تشکیلاتی نینگ آزیق_آوقات و ایکینچیلیک اداره‌سی یک‌شنبه کونی، ۲۸ حوت، اوز توییتری ده یازیشیچه، افغانستان ده انسانی بحران کوپ سانده عایله‌لرنی حتا دستلبکی نیازلرینی تأمینله‌ی آلمسلیکلری گه سبب بولگن.
بیزلرنینگ فیسبوک صحیفه‌میزگه باش اورینگ!
عین‌حالده، پایتخت کابل یشاوچیلریدن بیرقطاری نینگ ایتیشلریچه، ۱۴۰۱_ییل ده درآمدلری میزانی کمه‌یگن.
کابل شهری ده سیاحتی شرکت ایگه‌سی عبدالصمد نینگ ایتیشیچه: «اوتگن بیر ییل ده ایشیمیز تخمیناً ۵۰ فایز اوزگردی، چونکه بیزنی سیاحتی شرکتی‌میز بار، قطار مملکت‌لر ویزه بیرمه‌یدیلر و اوچیش‌لر کمه‌یگن، شونی اوچون ایشیمیز هم کمه‌یگن.»
باشقه تاماندن، اقتصاد وزیرلیگی نینگ ایتیشیچه، اوشبو ییل ده قشاق‌لر سانینی کمه‌یتیریش و انسانی بحران نی باشقریش مقصدیده، قطار آست قورمه پروژه‌لرنی تطبیق ایتگنلر و کیله‌سی ییلی اقتصادی آست قورمه‌لرنی کوچه‌یتیریش و تورلی ساحه‌لرده سرمایه یاتقیزیش بیلن، موجود وضعیت نی باشقریش اوچون سعی‌وحرکت قیله‌دیلر.
اقتصاد وزیرلیگی سوزلاوچیسی عبدالرحمان حبیب گه کوره: «حاضرگی وضعیت و اقتصاد وزیرلیگی نینگ تحلیلی اساسیده، کیله‌سی ییلی ترقیاتی پروژه‌لرنی تطبیق ایتیش اوچون امیدوارلیکلر کوپ دیر، خورسندلیک بیلن اوتگن ییل دن ایشی یریم قالگن پروژه‌لر، بودجه سندی گه کیریتیلگن.»
اوتگن بیر ییل ده دنیا جماعه‌چیلیگی، انسان پرورلیک آتیده ایکی میلیارد دن آرتیق دالرنی افغانستان گه یوبارگن؛ بیراق اوشبو یاردم‌لر افغانستان ده انسانی بحران‌نی کمه‌یتیریش اوچون هیچ تأثیر قیلمه‌گن.
بیزلرنینگ توییترده هم تعقیب قیلینگ!
اقتصادی ایش بیلرمان‌لردن قطاری نینگ ایتیشلریچه، افغانستان نینگ سرمایه‌لری توسیلیشی و اسلام امیرلیگی رسمیت گه تانیلمسلیگی، افغانستان ده انسانی بحران کوچه‌یش اصلی عاملی حسابلنه‌دی.
اقتصادی ایش بیلرمان عبدالوافی نایب‌زی نینگ سلام‌وطندار گه ایتیشیچه: «ایکی ییل آلدین جمهوریت توزومی قولب و ینگی حکومت حاکمیتیدن کیین دنیا بیلن تعامل بولمه‌دی، شونی اوچون انسانی بحران کوچه‌یدی و کوپراق افغانستان خلقی قربان‌لیک بیره‌دی، اوشبو وضعیت دن قوتیلیش یگانه یول جهان بیلن تعامل قیلیش دیر.»
اسلام امیرلیگی حاکمیتیدن کیین افغانستان ده قشاق‌لر سانی کوپه‌یب و انسان پرورلیک یاردم‌لر گه نیازمندلیکلر آشگن. عین‌حالده، بو رقم ییل باشله‌نیشیده ۲۰ میلیون کیشی دن ۲۸ میلیون ۳۰۰ مینگ کیشی گه ییتگن.
