اسلام امیرلیگی تشقی ایشلر وزیرلیگی رسمی‌لری، ایران قضائیه قوه هیئتی بیلن اوچره‌شووده، اولر دن اوشبو مملکت ده تورلی عیبلاولر بیلن اعدام گه محکوم بولگن افغان‌لر گه باشقه جزا بیریلیشینی سوره‌گنلر.
اسلام امیرلیگی تشقی ایشلر وزیرلیگی سوزلاوچیسی نینگ اورین باسری ضیااحمد تکل، ۳۰-جدی، شنبه کونی، ایکس اجتماعی ترماغیده، بو وزیرلیک سرپرستی امیرخان متقی ایران قضائیه قوه اورین باسری کاظم غریب‌آبادی ییتکچیلیگیده هیئت بیلن اوچره‌شووده بو مسئله نی شریک قیلگن دیب یازگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، اوشبو اوچره‌شووده تشقی ایشلر وزیرلیگی سرپرستی افغانستان‌لیک محبوس‌لر نینگ مملکت گه انتقال بیریلیشی، اعدام گه محکوم بولگن محبوس‌لر نینگ جزاسی اوزگرتیریلیشی، محبوس‌لر نینگ قیینچیلیگی حلی و افغانستان‌لیک قاچقین‌لر نینگ حقوقی و جنایی مسئله‌لری حقیده بحث ایتگن.
او نینگ یازیشیچه: «اوشبو اوچره‌شوو ده محبوس‌لر نینگ انتقالی، اعدام گه محکوم بولگنلر نینگ جزاسی اوزگرتیریلیشی، محبوس‌لر نینگ قیینچیلیگی حلی باره‌سیده بحث ایتیلگن.»
بو اوچره‌شووده، کاظم غریب‌آبادی قضایی بولیم ده افغانستان سرپرست حکومتی بیلن ایران نینگ همکارلیگی دن ایشانچ بیریب، ایران بو مملکت ده افغانستان‌لیک قاچقین‌لر نینگ کلتکلش موضوع‌سینی جدی تیکشیریب و بوتوغریده‌گی معلومات‌نی شریک قیلیش بیلن لازم چاره کوریش‌لرینی بیلدیرگن.
بیزلرنینگ «ایکس» ترماغی ده هم تعقیب قیلینگ!
ایران قضائیه قوه هیئتی اوتگن کون، اسلام امیرلیگی بیلن تورلی مسئله‌لر اینیقسه قضایی موضوع‌لر نی محاکمه قیلیش اوچون کابل گه کیلگن.
ایران دولتی بوندن آلدین بنگی‌وار ماده‌لر قاچاقی، آدم اوغیرلش و مذکور مملکت ده اویوشتیریلگن هجوم‌لرده قولی بولیش گه عیبلنگن افغانستان‌لیک قاچقین‌لر دن بیرقطاری نی دار گه آسگن بیرحالده، امیرخان متقی اولر نینگ دار گه آسیش اورنیده باشقه جزا بیریلیشنی ایسته‌گن.
