سونگی کون‌لر ده ایران افغانستان وضعیتی خصوصیده منطقه‌وی تماس گروهی شکللنیش اوستیگه تاکید ایتماقده و بو مسئله اوشبو مملکت رسمی‌لری تامانیدن فرمت مسکو ییغیلیشی دن کیین آچیقلندی. کابل ده ایران ایلچی‌خانه‌سی گه کوره، اسلام امیرلیگی تشقی ایشلر وزیرلیگی سرپرستی امیرخان متقی بو طرح نی خوش قرشی له‌گن.
کابل ده ایران ایلچیسی و مخصوص نماینده‌سی حسن کاظمی قمی بیلن اوچره‌شگن اسلام امیرلیگی تشقی ایشلر وزیرلیگی سرپرستی امیرخان متقی کابل؛ افغانستان وضعیتی گه دایر منطقه‌وی تماس گروی ییغیلیشی دن میزبان‌لیک قیلیشنی سوره‌گن، بیراق اسلام امیرلیگی تشقی ایشلر وزیرلیگی نینگ بیانیه‌سیده بو مسئله ذکر بولمه‌ی و یالغیز ایکی تامان افغانستان وضعیتی باره‌سیده مملکت‌لر نماینده‌لری آره‌سیده ییغیلیش اوتکزیلیشی اوستیگه تاکید ایتگنلریدن خبر بیریلگن.
بیزلرنینگ فیسبوک صحیفه‌میزگه باش اورینگ!
برچه‌سی بیلن، ایران ایلچی‌خانه‌سی بیانیه‌سی نینگ بیر بولیمیده یازیشیچه: «متقی منطقه‌وی تماس گروهی شکللنیشی اوچون ایران طرحی دن خورسندلیک قیلیب، کابل ده افغانستان وضعیتی خصوصیده منطقه مملکت‌لر مخصوص نماینده‌لری نینگ قوشمه ییغیلیشی دن میزبان‌لیک قیلیش گه تیارگرلیک کورستگن.
عین‌حالده، خلق‌ارا مناسبت‌لر ایش بیلرمانی محمدباقر محسنی گه کوره، منطقه اولکه‌لر اینیقسه ایران بو کبی سعی‌وحرکت‌لری بیلن اسلام امیرلیگینی دنیا همجمعیت گه قوشیش گه زمینه یره‌تیب و افغانستان دن غرب رقیب‌لری جمله دن امریکا نی اوزاق‌لشتیریش اوچون افغانستان ده‌گی خوفسیزلیک، اقتصاد و اجتماعی خواطرلر گه چیک قوییلیشنی ایسته‌یدی.
خلق‌ارا مناسبت‌لر ایش بیلرمان‌لریدن باشقه بیری بلال فاطمی نینگ ایشانچی گه کوره، کیلیشماوچیلیک‌لر و افغانستان و منطقه اولکه‌لر آره‌سیده‌گی معمالر حلی و شونینگدیک داعش فعالیتی کبی قوشمه تهدیدلر گه چیک قوییش اوچون اسلام امیرلیگی و منطقه مملکت‌لر آره‌سیده تماس گرهی شکللنیشی نیاز دیر.
بیزلرنینگ «ایکس» ترماغی ده هم تعقیب قیلینگ!
فاطمی، منطقه برچه مملکت‌لر صادق‌لیک بیلن تماس گروهی شکللنیشی اوچون تلاش قیلیش‌لری گه ایشانمه‌یدی. «منطقه‌وی بو کبی گروه شکللنسه و اونده ایران، روسیه و چین کبی اولکه‌لر قوشیلسه، داعش کبی قیینچیلیک و آرتیده کیم‌لیگی بیللی بوله‌دی، شونی اوچون پاکستان کبی اولکه‌لر تماس گروهی شکللنیشی گه همکارلیک قیلمسلیککه ایشانه‌من.»
ایش بیلرمان‌لر، افغانستان نینگ سیاسی مسئله‌لری حلی و دنیا همجمعیت تامانیدن اسلام امیرلیگی تن آلینیشی اوچون منطقه و دنیا تلاش‌لری نتیجه بیریشنی سرپرست حکومت پالیسی اوزگریشی گه باغلیق بیله‌دیلر؛ لیکن اسلام امیرلیگی حاکمیتیدن ایکی ییل اوتگچ حاضرگچه بو خواست‌لرنی عملگه آشیریش گه تیارگرلیک کورستمه‌گن.
