مارکوس پوتزل بیرلشگن ملت‌لر تشکیلاتی نینگ افغانستان اوچون باش کاتبی مخصوص نماینده‌سی اورین باسری اوله‌راقه تعینلنگن. اوتگن کونی (جمعه، ۲۷ جوزا)، بیرلشگن ملت‌لر تشکیلاتی بیر بیانیه ترقه‌تیب، جناب پوتزل مذکور تشکیلات نینگ باش کاتبی مخصوص نماینده‌سی نینگ ینگی اورین باسری صفتیده تعینلنگنیدن خبر بیرگن.
مارکوس پوتزل، بیرلشگن ملت‌لر تشکیلاتی باش کاتبی نینگ نماینده‌سی سابق اورین باسری مته نودسن اورنیده تعینلنگن. پوتزل بوندن آلدین، آلمان نینگ افغانستان اوچون ایلچیسی ایکن.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ بیانیه‌سی گه بناً، اوشبو تشکیلات باش کاتبی مخصوص نماینده‌سی نینگ ینگی اورین باسری، ۲۷ ییل دن آرتیق دیپلماسی و خلق‌ارا همکارلیکلر بوییچه وظیفه بجرگن و اوشبو مدت جریانیده ۸ ییل افغانستان ایچیده یا بو مملکت گه دایر ایشلرگه وظیفه بجرگن.
پوتزل فارسچه و انگلیسچه تیل و ادبیات ساحه‌لریده آلمان نینگ برلین نینگ هومبولت بیلیم یورتی و تاجیکستان نینگ دوشنبه بیلیم یورتیدن ماسترلیک مدرک آلگن. او آلمان، انگلیسچه، فارسچه و دری‌چه تیل‌لر گه سوزله‌یدی.
بیزلرنینگ توییترده هم تعقیب قیلینگ!
عین‌حالده، ینگی‌لیکده، بیرلشگن ملت‌لر تشکیلاتی نینگ افغانستان اوچون باش کاتبی نینگ مخصوص نماینده‌سی دیبرا لاینز، افغانستان ده ماموریتی یکونیدن خبر بیردی. بیرلشگن ملت‌لر تشکیلاتی افغانستان اوچون ینگی نماینده حاضرگه قدر تانیشتیرمه‌گن.
