تشقی ایشلر وزیرلیگی سیاسی معینی شیرمحمد عباس استانکزی نینگ ایتیشیچه، ایران و پاکستان اسلام امیرلیگی گه سیاسی و اقتصادی باسیم کیلتیریش مقصد، اوشبو مملکتلردن افغانستانلیک مهاجرلر نینگ چیقریش پروسهسی نی باشلهگن.
تشقی ایشلر وزیرلیگی سیاسی معینی، مذکور بیانات نی بوگون (چهارشنبه، ۱۹-میزان)، بلخ ده قوشتیپه کانالی نینگ بیرینچی فازی آچلیشی و ایکینچی فازی نینگ ایشی باشلنیشی خصوصیده یولگه قوییلگن احتفالده، بیان قیلگن.
عباس استانکزی نینگ ایتیشیچه: «بالهلر و عیاللر شامل ایران و پاکستان دهگی یوزلب مهاجر، قولگه آلینیب و حبس گه تشلنهدیلر. اولر میدیالر گه حجتسیز بولگنلری نی ایتهدیلر؛ بیراق ویدیولری نی کورهسیزلر که، برچهسیده حجتی بار. بیلهمیز که نیگه بو پروسه باشلنگن؛ بولر اسلام امیرلیگی گه سیاسی و اقتصادی باسیم کیلتیریش اوچون دیر.»
بیزلرنینگ فیسبوک صحیفهمیزگه باش اورینگ!
عین حالده، سونگی کونلر ایران و پاکستان ده افغانستانلیک مهاجرلر برابریده باسیملر و اولر نینگ مذکور مملکتلردن زوردن چیقریلیشی کوپهیگن.
باشقه بیر تاماندن، ایران هم اوتگن کون اوشبو مملکتده تهران ده اسلام امیرلیگی نمایندهلری بیلن یولگه قوییلگن قنسولی قوشمه بیر ییغینده، اسلام امیرلیگیدن افغانستانلیک مهاجرلر نینگ قیتیشی و اولر نینگ ایران گه ناقانونی مهاجرت پروسهسی توختهتیلیشی خصوصیده، اوشبو مملکت بیلن همکارلیک قیلیشلری نی ایستهگن.
بیراق اسلام امیرلیگی ینه بیر مرته میزبان مملکتلردن افغانستانلیک مهاجرلر نینگ اذیت قیلینیشیدن قول تارتیب و اولر بیلن درست یاندهششلری نی ایستهگن.
اسلام امیرلیگی سوزلاوچیسی نینگ اورین باسرلریدن بلال کریمی نینگ سلاموطندار گه ایتیشیچه: «قیغو بیلن قوشنی مملکتلردهگی مهاجرلریمیز کوپینچه قیینچیلیک بیلن روپهره دیر. ایکی مملکت رسمیلری بیلن ارتباطدهمیز، نتیجه بیریشی نی کوتیب تورگنمیز و قوشنی مملکتلردن مهاجرلر نینگ اذیت قیلینیشیدن قول تارتیشلری و اولر برابریده انسانی عطوفت و اسلامی اصولدن ایش آلیشلرینی ایستهیمیز.»
شو بیلن بیرگه، ایران و پاکستان ده افغانستانلیک مهاجرلردن قطاری نینگ ایتیشلریچه، کون اوتیشی بیلن میزبان مملکتلر پولیسی آرقهلی اذیت بولینیش، اولر اوچون حیات نی قیین قیلگن.
اوچ ییل آلدین ایران گه مهاجر بولگن افغانستان یشاوچیسی شهاب نینگ ایتیشیچه: «افغانستانلیک مهاجرلر یامان بیر وضعیتده قرار تاپگن. ایران اهالیسی و ملتی افغانستانلیک مهاجرلر نینگ چیقریش گه قرار آلگن. افغانستانلیکلر گه یالغیز قیین ایشلردن باشقه ایشلر اوچون رخصت بیریلمهیدی؛ بونینگ یانیده، ایران مأمورلری حجتی بولمهگن مهاجرلر نینگ قولگه آلیب و کلتکلهیدی.»
بیزلرنینگ «ایکس» ترماغی ده هم تعقیب قیلینگ!
شونینگدیک ایکی ییل آلدین پاکستان پایتختی اسلامآباد گه مهاجرت قیلگن افغانستانلیک مهاجرلردن بیری بلال نینگ ایتیشیچه: «حکومت نینگ قراریدن کیین، آزاد و اذیت کوپهیگن؛ بو موضوع مهاجرلر نینگ خواطرلنتیرگن. بو قیینچیلیک نینگ حل بولینیشی گه امیدوارمیز.»
عین حالده، پاکستانلیک میدیالر اوشبو مملکت رسمیلریدن نقل قیلیب گزارش بیریشلریچه، اوشبو ملمکتده ناقانونی مهاجرلر نینگ چیقریش اوچون اسلامآباد نینگ قراری نینگ اوزگرمهسلیگی ممکن.
ایتیش کیرهک که، پاکستان قریب بیر آی آلدین مذکور مملکتدهگی حجتسیز بیر میلیون ۷۰۰ افغانستانلیک مهاجر نینگ اکتبر آیی یکونیگچه افغانستان گه قیته یوباریش نی اعلام قیلگنی بیرحالده، ایران و پاکستان ده افغانستانلیک مهاجرلر گه باسیملر کوپهیگن.