طالبان استانبول ییغینیده اشتراک قیلیش اوچون حاضرگچه یشیل چراغ کورستمه‌گن بیرحالده، آمریکا، ترکیه و باشقه همکارلر مذکور ییغین یولگه قوییلیشی اوچون حرکت‌لرنی تیزلشتیرگن.
افغانستان تینچلیگی توغریسیده استانبول ییغینی، اوتگن میلادی آیده یولگه قوییلیشی گه قرار قیلینگن ایدی، بیراق طالبان بو ییغین گه شرکت قیلیش گه حاضر بولمه‌گنی اوچون، ترکیه بو ییغین نی کیچیکتیردی.
آمریکا تشقی ایشلری وزیرلیگی نینگ ییریک بیر رسمی‌سی سلام‌وطندارگه ایتیشیچه، واشنگتن افغانستان توغریسیده دیپلماسی‌سینی کوچلنتیرماقده و افغانستان نینگ یخشی کیله‌جگی اوچون دنیا جماعه‌چیلیگی افغانستان گه تیگیشلی موضوعلرگه بوتونلی دخیل بولیشی نی ایسته‌یدی.
اونینگ ایتیشیچه: «افغانستان قوشنی‌لری بیلن اوتکزگن سوزلشووده، اولرنینگ برچه‌سی تینچ بیر افغانستان ایسته‌گن. اولر اسلامی جمهوریت دن حمایت قیله‌دیلر و اونگه ارزش بیره‌دیلر و اسلامی امارت نینگ قیته احیا بولیشی گه هیچ قیزیقمه‌یدیلر.»
افغانستان تینچلیگی بوییچه آمریکا خاص نماینده‌سی زلمی خلیلزاد، افغانستان تینچلیک پروسه‌سی توغریسیده ینگی‌لیکده ترکیه، پاکستان، هند و اورته آسیا مملکت‌لریدن قطاری گه سفر قیلگن. او اوچینچی می آیی ده کابل کیلدی و آمریکا نینگ دایمی مشارکتی خصوصیده دولت رسمی‌لری، سیاستچی‌لر و مدنی جماعه‌چیلیک رهبرلری و افغانستان اهالیسی بیلن سوزلشدی.
شو مناسبت ده آمریکا ایلچیخانهسی تامانیدن ترقه‌تیلگن بیانات گه کیلیشیچه: «یالغیز سوزلشوو یولیدن افغانستان نینگ ۴۰ ییل‌لیک اوروشی یکونلنه‌دی.»
آمریکا تشقی ایشلر وزیرلیگی ۲۷- مارچ آیی ده، خلیلزاد نینگ سونگی فعالیت‌لری اوروش یکونله‌نیشی اوچون تینچلیک سوزلشوولری نینگ تیزلشتیریش گه افغانستان تامان‌لرینی تشویق قیلیش گه استوار بولگنی نی بیلدیرگن ایدی.
سلام‌وطندار اوزبیکی نی فیسبوککه هم تعقیب قیلینگ!
بو سفرلر صورت تاپگن بیرحالده، آمریکا جمهوررئیسی جو بایدن، حربی‌لری نینگ سپتامبر آیی گچه افغانستان دن چیقاریشی نی اعلام قیلدی.
آمریکا تشقی ایشلر وزیرلیگی نینگ اوشبو رسمی‌سیگه کوره، کابل ده برچه آمریکالیک نهادلر و مذکور مملکت ایلچیخانهسی کتته اقتصادی و انسان دوستلیک فعالیت‌لریگه دوام بیریشی ممکن. مذکور آمریکالیک رسمی نینگ سلام‌وطندارگه ایتیشیچه، آمریکا افغانستان خصوصیده‌گی فعالیت‌لریدن واز کیچمه‌یدی.
اوتگن آی آمریکا، روسیه، چین و پاکستان افغانستان تینچلیگی توغریسیده‌گی استانبول ییغینی حقیده ۱۴ ماده‌لیک قوشمه بیانیه نشر قیلدی که اونگه افغانستان‌ده‌گی اوروش تامان‌لریدن، زوروانلیک میزانی قویی کیلتیریلیشی سوره‌لنگن.
مذکور بیانیه میلادی ۱۹۸۸- ییل ده بیرلشگن ملتلر تشکیلاتی تامانیدن تحریم ایتیلگن، طالبان نهادلری و اعضالری نینگ تقدیری تیکشیریلیشی و تعیین ایتیلیشی دن حمایت بیلدیرگن. اوشبو آمریکالیک رسمی نینگ ایتیشیچه، بو طالبان اوچون بیر فرصت دیر که بو موضوع حل ایتیلیشی اوچون مذاکره میزی گه حاضر بولسین‌لر.
