بیرلشگن ملتلر تشکیلاتی قاچقینلر ایشلری بوییچه عالی کمیسارلیگینینگ اعلام قیلیشیچه، ایتالیا دولتی جبرلنگن میزبان جمعیتلری و قیتگنلرنی قوللب-قوتلش اوچون افغانستان گه ایکی میلیون دالرنی اجرهتگن.
بیرلشگن ملتلر تشکیلاتینینگ اوشبو نهادی، بوگون (۲۴-میزان، پنجشنبه)، بیر بیانیه آرقهلی یازیشیچه، بو یاردمدن مقصد اجتماعی بیردملیکنی کوچهیتیریش، ایش فرصتلری یرهتیلیشی و قیتیلهدیگن منطقهلردهگی محل یشاوچیلری و قیتگنلر آرهسیده یخشی و تینچ شکلده یششنینگ رواجلنیشی دیر.
بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگیگه کوره، بو لایحه ۲۰ مینگدن آرتیق کیشینی قمرهب آلگن که شونینگدیک، ۱۱ مینگدن آرتیق قیز و عیالنینگ حضوری بار.
بیانیهده کیلیشیچه، بیرلشگن ملتلر تشکیلاتینینگ قاچقینلر ایشلری بوییچه عالی کمیسارلیگی، اوشبو یاردمدن فایدهلنیش بیلن افغانستان بویلب قیتگنلرگه قیته هماهنگلیک اوچون سعیوحرکتلرینی کوچلنتیریب و جبرلنهدیگن افغانستانلیکلرگه ایش فرصتلری و عملی قوللب-قوتلنشنی یرهتهدی.
مذکور نهادنینگ کوپهیتیریشیچه، اوشبو یاردم افغانستان گه کینگ کولملی شکلده قاچقینلرنینگ قیتیشی بیرحالده، عملگه آشیریلهدی. فقط ۲۰۲۵-ییلده پاکستان و ایران دن ایکی میلیوندن آرتیق کیشی افغانستان گه قیتگن که اولردن کوپ قطاری قیتگنلری منطقهلرده ایش، باشپنه و اساسی خذمتلردن آز فایدهلنیش بیلن روپهرهلر.
بیرلشگن ملتلر تشکیلاتی قاچقینلر ایشلری بوییچه عالی کمیساری افغانستان بولیمی باشلیغی عرفات جمالگه کوره: «قیتگنلر و جبرلنگن میزبان جمعیتینی قوللب-قوتلش نهفقط انسانسیورلیک اولویتی دیر؛ بلکیم افغانستان کیلهجگی اوچون سرمایه یاتقیزیلیش حسابلنهدی. اینیقسه عیاللر و قیزلرنینگ قوتلنیش، اشتراک و مالی مستقللیککه ایگه بولیشلریگه سبب بولهدیگن مهارت و فرصتلردن فایدهلنیشلری ممکن.»
بیرلشگن ملتلر تشکیلاتی قاچقینلر ایشلری بوییچه عالی کمیسارلیگینینگ اورغولشیچه، اوشبو لایحه فعالیتلری افغانستان بویلب قیتیلهدیگن منطقهلرده عملگه آشیریلهدی و اونینگ اساسی مقصدی، یخشی، امیدلی و برقرار کیلهجکنی قوریش اوچون جبرلنهدیگن افغانستانلیکلر و قیتگنلرگه یاردم بیریش دیر.
