افغانستان اوچون بیرلشگن ملتلر تشکیلاتی نینگ انسان حقوقی خاص گزارش‌گری ریچارد بنت، مملکت‌دن قیتگنیدن کیین اوتگن کیچه (چهارشنبه، ۴-عقرب) بیرینچی گزارشی نی بیرلشگن ملتلر تشکیلاتی نینگ عمومی ییغینی‌ده ارائه قیلگن.
افغانستان اوچون بیرلشگن ملتلر تشکیلاتی نینگ انسان حقوقی خاص گزارش‌گری ریچارد بنت نینگ گزارشی اساسیده، افغانستان دنیاده عیاللر و قیزلر اوچون اینگ یامان مملکت دیر. او ایتگن که، اسلامی امارت اقلیت‌لر خوفسیزلیگی نی تامین‌لش گه هم ناکام دیر.
بیزلرنینگ فیسبوک صحیفه‌میزگه باش اورینگ!
شونینگدیک ریچارد بنت نینگ کوپه‌یتیریشیچه، اسلامی امارت کوچلری پنجشیر ولایتیده اوروش اسیرلرینی هم ناقانونی بیر شکلده اولدیرگن.
اونینگ ایتیشیچه: «انسانی حق‌لر قره‌شی گه وضعیت یامان‌لنیب بارماقده، انیق ایتکن‌ده افغانستان عیاللر و قیزلر اوچون اینگ یامان مملکت‌دیر.»
شوندی بیرحالده سیاسی ایش بیلرمان‌لر نینگ ایتیش‌لریچه، بیرلشگن ملتلر تشکیلاتی نینگ خاص گزارشی افغانستان ده انسانی حق‌لر نقضی خصوصیده مورد‌لر نی کوچه‌یتیرگن و اسلامی امارت ایسه بو توغریده اصلاحات اورته گه کیلتیریشی کیره‌ک.
شونینگدیک اولر تشقی تشکیلات‌لردن بو کبی گزارش‌لر نینگ تیار قیلیش‌لری پیتده کوپراق اهالی بیلن تماس‌ده بولیش‌لری نی ایسته‌گن.
شونده‌ی بیرحالده، اوتگن کیچه اسلامی امارت تشقی ایشلر وزیرلیگی بیر اعلامیه ترقه‌تیش بیلن ایتگن که، اسلامی امارت تامانیدن گزارش تیارلش اوچون تشقی تشکیلات‌لر گه بیریلگن آزاد‌لیک‌دن ناتوغری قوللنیلمه‌یشی کیره‌ک.
بیزلرنینگ توییترده هم تعقیب قیلینگ!
عین حالده، اسلامی امارت سوزلاوچی اورین‌باسرلریدن بلال‌کریمی نینگ ایتیشیچه، آدم‌لر و تشقی نهاد‌لر تحقیق اصولی نی نظر گه آلیش‌لری کیره‌ک.
شونده‌ی بیرحالده، سلام‌وطندار ینگی‌لیکده بیر گزارش ترقه‌تدی که، اونینگ اساسیده، پنجشیر یشاوچیلریدن قطاری، اسلامی امارت کوچلری تامانیدن اوشبو ولایت‌ده انسان حقوقی ارزش‌لری نینگ نقضی‌دن شکایت قیلگنلر.
