افغانستان انسانی حقوق وضعیتی اوچون بیرلشگن ملت‌لر تشکیلاتی نینگ خاص گزارشگری ریچارد بنت، اوشبو مملکت گه قیلگن ۱۰ کون‌لیک سفریدن کیین، بوگون (پنجشنبه، ۵-جوزا) خبری بیر ییغین گه اشتراک قیلدی. او سفری جریانیده شونینگدیک ولایت‌لردن قطاری گه هم سفر قیلیب و افغانستان ده انسانی وضعیت نی خواطرلنتیرووچی بیله‌دی.
بیرلشگن ملت‌لر تشکیلاتی خاص نماینده‌سی نینگ ایتیشیچه، افغانستان عیال‌لری حاضر ایسه جماعه‌دن حذف بولماقده. اونینگ کوپه‌یتیریشیچه، ۶-صنف‌دن یوقاری قیزلر یوزیگه مکتب‌لر نینگ یاپیق قالگنی و عیال‌لر نینگ یوریشی، کییمی و ایشیلری خصوصیده یره‌تیلگن چیکلاو‌لر خواطرلنتیرووچی دیر. شونینگدیک او افغانستان اقتصادی قیین‌چیلیگیدن و اوشبو مملکت‌ده قشاق‌لیک نینگ کوپه‌یگنیدن خواطر بیلدیرگن.
بیزلرنینگ توییترده هم تعقیب قیلینگ!
ریچارد بنت هدف‌لی قتل‌لر، افغانستان ولایت‌لریدن قطاریده تینچ‌اهالی‌لر نینگ تلفاتی، سابق حکومت کوچلری، خبرچیلر، قاضی‌لر و مدنی فعال‌لر نینگ کلتک‌لنیشی و قولگه آلینیشی و هزاره‌لر گه قرشی اویوشتیریلگن هجوملر نی، افغانستان ده انسانی وضعیت گه قرشی واقعه‌لردن دیب عنوان قیلهدی.
بیرلشگن ملت‌لر تشکیلاتی نینگ خاص گزارشگری انسانی حقوق تامین قیلینیشی خصوصیده اسلامی امارت نی ناکام عنوان قیلیب و سرپرست حکومت‌دن تعهد‌لری گه عملی قیلیش‌لرینی سوره‌یدی. شونینگدیک او دنیا جماعه‌دن افغانستان اهالیسی گه اقتصادی یاردم‌لری نینگ دوام بیریش‌لری نی ایسته‌‌یدی.
بیراق اسلامی امارت مسئوللری نینگ ایتیش‌لریچه، افغانستان ده انسانی حقوق وضعیتی نی قانیقرلی دیگن.
اسلامی امارت سوزلاوچی اورین‌باسرلریدن انعام‌الله سمنگانی نینگ سلام‌وطندار گه ایتیشیچه، سرپرست حکومت اونملی مسئله‌لر نی حل قیلگن و شونینگدیک بیر قطار مسئله‌لر اینقسه قیزلر تعلیمی مسئله‌سی نینگ تیزلیککه حل قیلیشی ممکن.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچی اورین‌باسری بیرلشگن ملت‌لر تشکیلاتی خاص گزارشگری نینگ بیاناتی نی حقیقت‌لر گه قرشی دیب، افغانستان ده انسانی حقوق وضعیتی خصوصیده‌‌گی گزارشلر نینگ حقیقت اساسیده بولیشی گه تاکید قیلهدی.
بیرلشگن ملت‌لر تشکیلاتی افغانستان ده اسلامی امارت نینگ قدرت گه ایریشگنیدن کیین، جاری ییل نینگ حمل آیده انسانی حقوقی نینگ نقض مسئله‌لریدن مستند توزه‌تیش و نظارت اوچون، ریچار بنت نی خاص گزارشگر صفتیده انتخاب قیلگن. بیرلشگن ملت‌لر تشکیلاتی نینگ گزارشگری صفتیده اونینگ افغانستان گه قیلگن بیرینچی سفری ایدی که اسلامی امارت رسمی‌لریدن قطاری بیلن هم کوریشگن.
