اوشبو بیلهشوو بلخ میزبانلیگیده مملکت کته ولایتلریدن والیبال رشتهسیده ۱۰۰ سپورتچی اشتراکی بیلن یولگه قوییلگن. اسلامی امارت حاکم بولگندن کیین بو والیبال رشتهسیده بیرینچی دور ورزشی بیلهشوو دیرکه بلخ، کابل، ننگرهار و قندوز ولایتلریدن آلتی تیم اشتراکیده مزارشریف شهریده یولگه قوییلگن.
بلخ ولایتی ورزش مسئوللریگه کوره اوشبو بیلهشوونی اوتکزیلیشیدن هدف ورزش نینگ رونقی و مملکت سپورتچیلری اورتهسیگه هماهنگلیک ایجاد قیلیش دیر.
بیزلرنینگ فیسبوک صحیفهمیزگه باش اورینگ!
بلخ ولایتی والیبال فدراسیون نینگ رئیسی محمد نعیم ماهر اوشبو بیلهشوو اوتکزیلیشیدن خرسندلیک قیلیب ایتیشیچه: «آلتی تیم اشتراک ایتگن دیر که اوچ تیم بلخ ولایتیدن دیر کامایر تیمی، الفتح تیمی و کفایت تیمی وننگرهار تیمی جلال آباد شهریدن، کابل شهردارلیک تیمی کابل ولایتیدن قندوزتیمی قندوز ولایتیدن اوشبو بیلهشووده اشتراک ایتگن، بو بیلهشوو اوچ کونگچه ساعت ۱۰ دن ۵ گه قدر دوام ایتهدی. اوشبو بیلهشو ورزش نینگ رونقی و ولایتلرده سپورتچیلر آرهسیده هماهنگلیک ایجاد ایتیلیشی اوچون یولگه قوییلگن.»
شوندهی بیرحالده، بلخ ولایتی بدن تربیهلش فدراسیون نینگ اورین باسری حافظ محمدالله نینگ ایتیشیچه، سپورتچیلرنی قوللب قوتلش اوچون حمایتی دستورلرنی قول آستیگه آلگنلر.
عینحالده اوشبو بیلهشووده قتنشگن بیرقطار سپورتچیلر اهالی و اسلامی امارت اولر نینگ خوش قرشیلهگنیدن خرسندلیک قیلیب، اسلامی امارتدن سپورتچیلرگه کوپراق توجه قیلیشلرینی سورهگنلر.
بیزلرنینگ توییترده هم تعقیب قیلینگ!
شونینگدیک بو سپورتچیلر ورزش برابریده قرار تاپگن قیینچیلیکلر و خصوصاً اقتصادی قینچیلیکلردن شکایت قیلهدیلر.
عینحالده، رسمی آمارلرگه کوره، حاضر بلخ ولایتیده بیرمینگدن آرتیق سپورتچی والیبال رشتهسیگه ورزشی تمرینلر بیلن مشغول دیلر.