سرپرست حکومت ترانسپورت و هوا یوللری وزیرلیگی نینگ هواشناس‌لیک ریاستی اېرته (یکشنبه، ۹-ثور) مملکت نینگ ۲۸ ولایتیده کوچلی یامغیر یاغیب، سوو تاشقینی و بوران یوز بیریش احتمالی‌دن آگاه‌لنتیرگن.
اوشبو ریاست بوگون ایکس اجتماعی ترماغی‌ده بیر خبرنامه ترقه‌تیب ایتیشیچه، پروان ده سالنگ‌لر شامل بدخشان، تخار، قندوز، بلخ، سمنگان، بغلان، نورستان، کنر، لغمان، ننگرهار، پروان، پنجشیر، کاپیسا، کابل، میدان‌وردک، لوگر، پکتیا، خوست، پکتیکا، غزنی، دایکندی، بامیان، سرپل، زابل، ارزگان، قندهار، هلمند و غور ولایتلریده کوچلی یامغیر یاغیب، سوو تاشقینی و بوران یوز بیریش احتمالی پیش‌بینلیک بولگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۵۰ ملی‌متر پیش‌بینلیک قیلگن. مملکت نینگ بعضی بلند منطقه‌لریده قار یاغیشینی معلوم قیلگن، ترانسپورت و هوا یوللری وزیرلیگی.
اوشبو ریاست گه کوره، مملکت نینگ شمال، شمال‌غرب، جنوب، غرب، جنوب‌غرب و مرکزی ولایتلریده بوران تیزلیگی بیر ساعت ده ۳۰ دن ۸۰ کیلومتر پیش‌بینلیک بولگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک بوندن آلدین، مذکور ریاست مملکت نینگ قطار ولایتلریده کوچلی قار، یامغیر و بوران یوز بیریشی‌دن خبر بیرگن اېدی.
