سرپرست حکومت ترانسپورت و هوا یول‌لری وزیرلیگی نینگ هواشناس‌لیک ریاستی اېرته و شنبه کون‌لری (۳۱ حمل و ۱ ثور)، مملکت نینگ ۲۹ ولایتیده کوچلی قار و یامغیر یاغیب و سوو تاشقینی یوز بیریش احتمالیدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
اوشبو ریاست بوگون ایکس اجتماعی ترماغی‌ده بیر خبرنامه ترقه‌تیب ایتیشیچه، پروان ده سالنگ‌لر شامل بدخشان، تخار، بغلان، پنجشیر، نورستان، کنر، ننگرهار، لغمان، کاپیسا، پروان، کابل، سمنگان، بلخ، سرپل، فاریاب، بامیان، میدان وردک، لوگر، پکتیا، خوست، پکتیکا، غزنی، دایکندی، بادغیس، غور، هلمند، ارزگان، قندهار و زابل ولایتلریده کوچلی یامغیر و قار یاغیش احتمالی پیش‌بینلیک بولگن.
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۶۰ ملی‌متر و قار یاغیش میزانی نی ۱۵ دن ۳۰ سانتی‌متر پیش‌بینلیک قیلگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک سۉنگی کون‌لرده مملکت نینگ بیر قنچه ولایت‌لری کوچلی یامغیر یاغیش گواهی بولیب و بیر قطار ولایت‌لرده هم سوو تاشقینی یوز بیرگنیدن خبر بیریلگن.
بوندن آلدین، مذکور ریاست مملکت نینگ قطار ولایتلریده کوچلی قار، یامغیر و بوران یوز بیریشیدن خبر بیرگن اېدی.
