سرپرست حکومت ترانسپورت و هوا یوللری وزیرلیگی نینگ هواشناس‌لیک ریاستی اېرته (سه‌شنبه، ۷-حمل)، مملکت نینگ ۲۳ ولایتیده کوچلی قار و یامغیر یاغیب و بوران یوز بیریش احتمالی‌دن آگاه‌لنتیرگن.
اوشبو ریاست بوگون بیر خبرنامه ترقه‌تیب ایتیشیچه، پروان ده سالنگ‌لر شامل هرات، فراه، فاریاب، بادغیس، سرپل، غور، بلخ، سمنگان، جوزجان، دایکندی، بامیان، غزنی، قندهار، ارزگان، هلمند، زابل، میدان وردک، پروان، بغلان، کاپیسا، پنجشیر، لغمان، نورستان ولایت‌لری‌ده کوچلی قار و یامغیر یاغیب و بوران یوز بیریش احتمالی پیش‌بینلیک بولگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۴۰ ملی‌متر و قار یاغیش میزانی نی ۴۰-۱۵ سانتی‌متر پیش‌بینلیک قیلگن.
شو بیلن بیرگه، ترانسپورت و هوا یوللری وزیرلیگی نینگ هواشناس‌لیک ریاستی سالنگ‌لر شامل شمال، شمال-غرب، جنوب، جنوب-غرب ولایت‌لر ده احتمالی کوچلی چنگ و توپه‌لنگ بیلن بوران یوز بیریشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اېریم منطقه‌لرده بوران تیزلیگی بیر ساعت ده ۳۰ دن ۸۰ کیلومتر پیش‌بینلیک بولگن.
بوندن آلدین، مذکور ریاست مملکت نینگ قطار ولایت‌لری‌ده کوچلی قار، یامغیر و بوران یوز بیریشیدن خبر بیرگن اېدی.
