سرپرست حکومت ترانسپورت و هوا یوللری وزیرلیگی نینگ هواشناسلیک ریاستی ۹ و ۱۰ حوت کونلری مملکت نینگ ۳۱ ولایتیده کوچلی قار، یامغیر و بوران یوز بیریش احتمالیدن آگاهلنتیرگن.
بیزلرنینگ فیسبوک صحیفهمیزگه باش اورینگ!
اوشبو ریاست بوگون (چهارشنبه، ۹-حوت) بیر خبرنامه ترقهتیب ایتیشیچه، پروان ده سالنگلر شامل هرات، فراه، نیمروز، هلمند، قندهار، زابل، ارزگان، دایکندی، غور، بادغیس، فاریاب، جوزجان، سرپل، بلخ، بامیان، میدانوردک، غزنی، پکتیکا، خوست، پکتیا، لوگر، ننگرهار، لغمان، کنر، نورستان، کابل، پروان، پنجشیر، کاپیسا، بغلان و سمنگان ولایتلریده کوچلی قار، یامغیر و بوران یوز بیریش احتمالی پیشبینلیک بولگن.
شونینگدیک مذکور ریاست، اوشبو ولایتلر نینگ تورلی منطقهلریده یامغیر یاغیش میزانینی ۱۰ دن ۴۰ ملیمتر و قار یاغیش میزانی نی ۶۰-۱۰ سانتیمتر پیشبینلیک قیلگن.
شو بیلن بیرگه، ترانسپورت و هوا یوللری وزیرلیگی نینگ هواشناسلیک ریاستی سالنگلر شامل غرب، جنوب، جنوب-غرب و مرکزی ولایتلرده احتمالی کوچلی چنگ و توپهلنگ بیلن بوران یوز بیریشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اېریم منطقهلرده بوران تیزلیگی بیر ساعت ده ۲۰ دن ۷۰ کیلومتر پیشبینلیک بولگن.
بوندن آلدین، مذکور ریاست مملکت نینگ قطار ولایتلریده کوچلی قار، یامغیر و بوران یوز بیریشیدن خبر بیرگن اېدی.