افغانستان هواشناس‌لیک ریاستی، بوگون و ایرته مملکت نینگ سکیز ولایتیده یامغیر، قار یاغیب و بوران یوز بیریشیدن آگاه‌لنتیرگن.
هواشناس‌لیک باشلیغی محمدنسیم مرادی، بوگون (دوشنبه، ۲۰ قوس) سلام‌وطندار گه ایتیشیچه، سالنگ‌لر شامل بدخشان، تخار، قندوز، بلخ، بغلان، پروان، پنجشیر و نورستان ولایت‌لری ده ۲۰ و ۲۱- قوس کون‌لری احتمالی کوچلی یامغیر، قار یاغیب و بوران یوز بیریشی ممکن.
بیزلرنینگ فیسبوک صحیفه‌میزگه باش اورینگ!
مرادی جنابلری نینگ کوپه‌یتیریشیچه، مذکور سکیز ولایت نینگ تورلی منطقه‌لریده یامغیر یاغیش میزانی ۱۰ دن ۲۵ ملی‌متر و قار یاغیش میزانی ۱۰ دن ۳۰ سانتی‌متر پیش‌بینلیک بولگن.
مرادی گه کوره، بدخشان نینگ واخان تومنیده قار یاغیب و باشقه ولایت‌لرده احتمالی دیر.
عین‌حالده، سرپرست حکومت امر بالمعروف و نهی عن‌المنکر وزیرلیگی سرپرستی محمدخالد حنفی، بو وزیرلیک نینگ ولایتده‌گی برچه ریاست‌لری گه یشاوچیلرنی یامغیر یاغیش اوچون اوچ کون نماز اوقیش گه ترغیب قیلیش بویروغینی بیرگن.
بیزلرنینگ «ایکس» ترماغی ده هم تعقیب قیلینگ!
مذکور وزیرلیک مسئوللری گه کوره، امر بالمعروف و نهی عن‌المنکر وزیرلیگی سرپرستی، ولایت‌لر مرکزی و تومن‌لرده سه‌شنبه، چهارشنبه و پنج‌شنبه کون‌لری یامغیر یاغیش اوچون نماز اوقیش بویروغینی بیرگن.
ایتیش کیره‌ک، تورت ییل دن بیری مملکت نینگ قطار ولایت‌لریده قورغاقچیلیک طفیلی دهقان‌لر نینگ محصوللری قوریب و اولر کوپ مالی زیان کورگنلر.
