سونگی کونلرده، مملکت پایتختی کابل و باشقه بیر قطار ولایتلرده سوو تاشقینی یوز بیریشیدن کیین، افغانستان هواشناسلیک ریاستی بوگون و ایرته (۵ و ۶ اسد)، مملکت نینگ ۲۰ ولایتیده بوران بیلن سوو تاشقینی یوز بیریشیدن آگاهلنتیرگن.
عینحالده، طبیعی آفتلرنی باشقریش بوییچه دولت وزیرلیگی سوزلاوچیسی شفیعالله رحیمی نینگ ایتیشیچه، مذکور وزیرلیک سوو تاشقینی پیشبینلیک بولگن ولایتلر نینگ طبیعی آفتلرنی باشقریش ریاستلری گه، تیارگرلیک کوریش بویروغینی بیرگن.
بیزلرنینگ فیسبوک صحیفهمیزگه باش اورینگ!
برچهسی بیلن، هر ییلی کوکلم و یاز موسوملری ده بیر قطار ولایتلرده سوو تاشقینی یوز بیرهدی؛ لیکن اوتگن ایکی ییل ده اقلیم اوزگریشی باعث کوچلی سوو تاشقینی یوز بیریب و یشاوچیلر گه آغیر مالی و جانی زیان ییتکیزگن.
یشش محیط ایش بیلرمانلری نینگ ایتیشلریچه، اقلیم اوزگریشی باعث یشاوچیلر نینگ کوپ زیان کورمسلیگی اوچون، طبیعی واقعهلر مدیریتی تیزیمینی اوزگرتیریب و اوشبو واقعهلر گه دایر یشاوچیلر نینگ آگاهلنتیریش کیرهک.
بیزلرنینگ توییترده هم تعقیب قیلینگ!
طبیعی آفتلرنی باشقریش بوییچه دولت وزیرلیگی نینگ سونگی معلوماتی اساسیده، سونگی کونلرده مملکت نینگ ۱۴ ولایتیده یوز بیرگن سوو تاشقینلری عاقبتیده ۵۸ کیشی هلاک بولیب، بیر مینگ ۱۰۳ یشش اوی و قریب سکیز مینگ جریب ایکینچلیک ییر بوزیلگن.