طبیعی آفت‌لرنی باشقریش ایشلری بوییچه دولت وزیرلیگی نینگ ایتیشیچه، افغانستان سوو تاشقینی باعث زیان کورگنلر گه یاردم بیریش اوچون بیرلشگن ملت‌لر تشکیلاتی و مملکت‌لر نینگ تیز یاردم‌لری گه محتاج دیر.
اوشبو وزیرلیک سوزلاوچیسی شفیع‌الله رحیمی نینگ سلام‌وطندار گه ایتیشیچه، میدان‌وردک و کابل نینگ پغمان تومنی‌ده‌گی سوو تاشقینی‌دن زیان کورگنلر، تیز یاردم‌لر گه کوپراق احتیاج‌لری بار.
شفیع‌الله رحیمی گه کوره: «قولیمیز‌ده بولگن امکانیت‌دن قوللنه‌میز و زیان کورگن کیشی‌لر نی تانیب و یاردم بیره‌میز، بیراق حاضر ایسه عاجل یاردم و امکانیت گه احتیاجی‌میز بار که، اداره‌میز هم زیان کورگنلر گه یاردم بیره آلسین. بو وضعیت‌ده افغانستان اهالی‌سی گه یاردم بیریلیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک مذکور وزیرلیک سوزلاوچیسی نینگ کوپه‌یتیریشیچه، مملکت نینگ قطار ولایت‌لریده یوز بیرگن سونگی سوو تاشقین‌لر نتیجه‌سیده، قریب ۱۰۰ کیشی اولیب و یره‌لنگن که، بو آره‌ده میدان‌وردک کوپینچه تلفات کورگن ولایت‌لردن دیر. اونگه کوره، مذکور سوو تاشقین‌لرده ۹۰۰دن یوزدن آرتیق یشش اوی مکمل و قسمی شکلده ویران بولگن.
عین حالده، میدان‌وردک و غزنی ولایت‌لریده یوز بیرگن سونگی سوو تاشقین‌لر سبب، یشش اوی‌لری، ایکینچی‌لیک ییرلری و برچه دارو و ندارلری نی قولدن بیرگن کیشی‌لردن قطاری، زیان کورگنلر گه عاجل یاردم بیریلیشی نی ایسته‌گنلر.
میدان‌وردک ولایتی جلریز تومنی یشاوچیسی عبدالرحمان نینگ ایتیشیچه: «اویی‌میز خراب بولگن، کوپینچه زیان کورگن‌میز. حاضر ایسه تاغ‌ده خیمه اوریب عایله‌م بیلن خیمه‌ده حیات کیچیره‌میز. قنچه وقت‌گچه بو رقم بیلمه‌یمن. کیچه‌لر هوا ساووق بوله‌دی و باله‌لر هم کوپ ایغله‌یدی.»
غزنی ولایتی نینگ خیر‌آباد تومنی یشاوچیسی فواد نینگ ایتیشیچه: «اویی‌میز گه سوو تاشقینی کیلدی برچه نرسه‌میز نی اورته‌دن کیتگزدی. حاضرگچه هیچ قنده‌ی یاردم قولگه کیلمه‌گن. عایله‌ده اون کیشی‌میز. یاردم گه احتیاجی‌میز بار. دولت‌دن تیزلیککه یاردم بیریلیشی نی ایسته‌یمیز.»
بیزلرنینگ توییترده هم تعقیب قیلینگ!
بو بیلن بیرگه، ییل نینگ باشیده سوو تاشقینی‌دن زیان کورگن پروان ولایتی یشاوچیلریدن قطاری، سرپرست حکومت تامانیدن صورت تاپگن یاردم‌لر نی ییترلی بیلمه‌ی و یاردم‌لر نینگ کوپه‌یشی نی ایسته‌یدیلر.
افغانستان دنیا‌ده هوای اوزگریش‌لری خصوصیده زیان کوره‌دیگن مملکت‌لر آره‌سیده دیر که، ییل‌ده سوو تاشقینی یوز بیریشی نتیجه‌سیده، یشاوچیلر گه جانی و مالی زیان‌لر ییتیشتیره‌دی.
طبیعی آفت‌لرنی باشقریش ایشلری بوییچه دولت وزیرلیگی نینگ آماری اساسیده، اوتگن تورت آی‌ده یوز بیرگن سوو تاشقین‌لریده، اوچ مینگ ۸۰۰ باش چاروه تلف و قریب ۴۲ مینگ جریب ایکینچی‌لیک ییر ویران بولگن دیر.
