سمنگان حاکمی مولوی عبدالرحمان قندوزی، اوتگن کونی شام چاغیده، سمنگان ولایت مقامی ده یاردم بیرووچی نهادلر مسووللری بیلن عاجل بیر ییغین اوتکزیب یاردم بیرووچی نهادلر مسووللریدن اویمه‌اوی تیکشیریش‌لرینی باشلب و نیازمند عایله‌لرگه یاردم بیریش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
سمنگان حاکمی اوشبو ییغینده یاردم بیرووچی نهادلرگه عیاللرنینگ فعالیت قیلیش‌لری اوچون جواز صادر قیلگن.
عبدالرحمان قندوزی نینگ کوپه‌یتیریشیچه، یاردم‌لرنینگ عادلانه شکلده توزیع ایتیلیشی اوچون عیاللرنینگ یاردم بیرووچی نهادلرگه حضور تاپیش‌لری نیاز دیر، لیکن اسلامی حجاب‌نی رعایت قیلیش‌لری کیره‌ک.
سمنگان حاکمی نینگ ایتیشیچه: «عیاللر باشقه ایناغه‌لری یانیده اهالی‌گه خذمت قیلیش اوچون ایش قیله آله‌دیلر، لیکن اولرنینگ فیزیکی مصونیت‌لری مربوط بولگن نهادلر تامانیدن تامین ایتیلیشی کیره‌ک.»
عین‌حالده، یاردم بیرووچی نهادلر مسووللری، سمنگان حاکمی نینگ بو حرکتیدن حمایت قیلیب ایتیش‌لریچه، تیزلیککه بیرقطار عیاللرنی اولرنینگ ایش تیم‌لریگه استخدام ایتیلیش‌لری ممکن. اوشبو نهادلر مسووللری نینگ ایتیش‌لریچه، تیکشیریش جریانی یکونلنگنیدن سونگ، اختیارلریگه بولگن یاردم‌لرنی توزیع قیلیش جریانی باشله‌نیشی ممکن.
