اوچ کوندن بویان بغلان و سمنگان ولایت‌لریده سووتاشقین‌لری باعث ۱۵ کیشی هلاک و ۵ کیشی ایسه یره‌لنگن و شونینگدیک مذکور ایکی ولایت یشاوچی‌لری کوپینچه مالی ضرر کورگن.
سمنگان ولایتی نینگ دره صوف پایین تومن ولسوالی عبدالیقین احمدی نینگ ایتیشیچه، اوتگن کیچه‌ده‌گی سووتاشقین‌لریده بیر مینگ چاروا، بیر مینگ جریب ییر، اونلرچه سوو توغانی و مذکور تومن نینگ فرعی و عمومی ییرلریدن کوپینچه بولیمی تخریب و شونینگدیک بو تومن نینگ بلخ ولایتی گه وصل قیله‌دیگن قتناویولی باغلنگن.
سمنگان طبیعی حادثه‌لرگه قرشی کوره‌ش آمریتی نینگ اجرایی مدیری عبدالمنان نینگ ایتیشیچه، سووتاشقین‌لری نتیجه‌سیده عیاللر و باله‌لر شامل ۱۴ کیشی هلاک و باشقه ۴ کیشی ایسه یره‌لنگن. اونگه کوره، یوللرنینگ یاپیلگنی باعث اولر یاردم‌لرنی انتقال بیره آلمه‌یدیلر.
بغلان طبیعی حادثه‌لرگه قرشی کوره‌ش باشلیغی مجیب‌الرحمان بهین نینگ ایتیشیچه، بغلان نینگ ۱۰ تومنیده یوزبیرگن سووتاشقین‌لریده ایکینچیلیک ییرلر و یوللرنینگ کوپینچه بولیمی تخریب و بیر کیشی هلاک و باشقه بیر کیشی ایسه یره‌لنگن.
جناب بهین نینگ ایتیشیچه، سووتاشقین‌لریدن اینگ کوپ ضرر کورگن اوچ تومن حاضر طالبان و امنیتی کوچلر آره‌سیده جدی آتیشمه گه شاهد دیر و آتیشمه‌لر باعث اولر بو تومن‌لرده یاردم انتقال بیره آلمه‌یدیلر.
شونینگدیک سمنگان ولایت یشاوچی‌لری نینگ ایتیش‌لریچه، بو تومن قتناویولی آچیلیشی اوچون نیچه مرته بو ولایت محلی اداره‌سیدن یاردم سوره‌گنلر، بیراق حاضرگچه هیچ قنده‌ی اقدام بولمه‌گن.
