بغلان معارف ریاستیدن قطار منبعلرنینگ سلام‌وطندارگه ایتیش‌لریچه، مذکور ولایت مرکزی پلخمری شهری نینگ مکتب‌لریده مدیرلر و اوقیتووچیلردن ۶۰ فایزی نی عیاللر تشکیل بیره‌دی ایکن؛ بیراق حاضر اسلامی امارت قدرت گه ایریشیشی بیلن بو رقم ۵ فایز گه قویی کیلگن.
منبعلرنینگ کوپه‌یتیریش‌لریچه، یخشی امکانیت‌لری بولگن اوقیتووچیلر بو شهر نی ترک قیلیب و شونینگدیک اولکه نی ترک قیلیش اوچون حرکت قیلماقده‌لر. منبعلرگه کوره، نیچه آیدن بویان بو ولایتده‌گی عیال اوقیتووچیلرنینگ معاش‌لری توللنمه‌گن و اولردن کوپینچه‌سی یمان اقتصادی وضعیت گه قرار تاپگن.
شونینگدیک منبعلرنینگ ایتیش‌لریچه، بغلان ریاست معارف ایشلاوچی‌لریدن کوپینچه‌سینی عیاللر تشکیل بیره‌دی که حاضر اولردن هیچ بیر خبر یوق دیر.
عین حالده، اوقیتووچیلیک معاشی بیلن عایله‌لری نینگ خره‌جتی تأمینله‌یدیگن عیال اوقیتووچیلردن قطاری نینگ ایتیش‌لریچه، حاضر یمان بیر اقتصادی وضعیت گه قرار تاپگنلر.
۴ باله نی سرپرستلیک قیله‌دیگن عیال اوقیتووچیلردن بیری نغمه نینگ ایتیشیچه، تورموش اورتاغی سابقگی دولت نینگ امنیتی کوچلری صفیده هلاک ایتیلگن و او عایله‌سی نینگ یالغیز نان کیلتیرووچیسی ایکن. اونینگ ایتیشیچه، حاضر باله‌لری نینگ کیله‌جگی توغریسیده خواطرگه دیر.
مژگان لیسانس حجتی نی فارسی ادبیات فاکولته‌سیدن قولگه کیلتیرگن. اونینگ ایتیشیچه، عیال اوقیتووچیلرنینگ کیله‌جگی توغریسیده خواطرگه دیر و بو پروسه اولرنینگ روانی گه ضرر ییتیشتیرگن. مژگان نینگ ایتیشیچه، بغلان ده اونگه اوخشه‌گن باشقه اونلرچه عیال قیزلرگه تعلیمات بیریش بیلن شغللنگن؛ بیراق اولر حاضر نابیللی بیر کیله‌جک نی کوتیب تورگن.
بیزلرنینگ فیسبوک صحیفه‌میزگه باش اورینگ!
اوشبو عیال اوقیتووچیلرنینگ کوپه‌یتیریش‌لریچه، هیچ بیر نهادلر اولرنینگ قیینچلیک‌لرینی حل ایتیلیشی اوچون یاردم بیرمه‌یدی. اولرنینگ آگاه‌لنتیریشیچه، بو پروسه دوام تاپگن صورتده، یقیین کیله‌جکده اوشبو عیاللر روانی قیینچلیکلر بیلن دوچ کیلیشی ممکن.
پلخمری ده عیال اوقیتووچیلردن باشقه بیر گل‌مکی که اونینگ تورموش اورتاغی هم اوقیتووچی دیر، بغلان طالبان نظارتی گه اوتگنیدن کیین برچه بار و یوق‌لرینی ترک قیلیب و مملکتدن تشقری کیتیش اوچون نیمروز کیلگنلر.
عین حالده، بغلان معارف ریاستیدن قطار منبعلرنینگ ایتیش‌لریچه، بو ولایتده ۲ مینگ دن آرتیق عیال اوقیتووچی تعلیمات بیریش بیلن شغللنگن ایکن و حاضر مذکور عیاللر ۱۰ مینگ دن آرتیق قیز اوقووچی بیلن نابیللی بیر وضعیت گه قرار تاپگن.
باشقه بیر تاماندن بغلان ده اسلامی امارت مسئوللری نینگ ایتیش‌لریچه، عیاللرنینگ خوفسیزلیگی تأمین‌لنیب و عیاللر قیته ایش گه قیتیش‌لری اوچون بیللی بیر برنامه اوستیگه ایش قیلیب کیلماقده‌لر. اولرگه کوره، حاضر حکومتده ایشله‌یدیگن عیاللردن قطاری، فیزیکی امنیت بولمه‌گنی اوچون، اویده قالگنلر و بو برنامه نینگ نهایی بولیشی بیلن، اولر ایش‌لریگه قیته‌دیلر.
